يحدث ليلًا

بعتلي أحمد صاحبي الصورة الي قدامكم ديه من العمارة الي ف وش العمارة بتاعتهم على طول والي بالمناسبة بردو تبقي ملكهم هي والعمارة الي قاعدين فيها ابوه عنده عمارتين فيهم شقق متأجرة وشقق متباعة تمليك الشقة ديه مهجورة من كذا سنة ومحدش ساكن فيها او بمعني اوضح صحاب الشقة مقيمين في امريكا من سنين كتير نزلوا مصر اشتروها من والد أحمد وبعدين سافروا مرجعوش تاني
استغربت زيه بالظبط وقولتله طيب ما تيجي كده ندخلها بما ان معاهم نسخة من المفاتيح سايبنها ليهم صحاب الشقة تحسبا لأي ظرف هو تصرف متهور لكن استغربت انه وافق وقالي عقبال ما توصل اكون جهزت المفاتيح
انا قولت الكلمة بهزار متوقعتش منه انه هيوافق بالسهولة ديه ف نفس الوقت مردتش اقوله اني بهزر عشان ميقولش اني خۏفت ورجعت في كلامي ويفضل يتريق عليا وسط الشلة ويقول جبان وبخاف والكلام الي بيفضل يهزر بيه داه هو اصلا ما بيصدق يقفش حد تريقة
نزلت عند العمارة بتاعتهم لقيته واقف مستنيني بيشخلل بالمفاتيح وعمال يبصلي ضحكة كلها سخرية وبيقولي
ها ناوي تطلع ولا هتجيب ورا شايف ركبك بتخبط في بعض
نظراته وضحكته والطريقة الي بيتكلم بيها استفزتني شديت المفاتيح من إيديه بمنتهي الغيظ
يلا يا حبيبي انا الي طلبت منك اصلا
يلا بينا يا وحش
طلعنا على السلم ومنكرش ان ركبي فعلا كانت بتخبط في بعضها كل اما اقرب درجة ناحية الشقة ببقي عاوز اقوله اني رجعت ف كلامي بس برجع اقول لاء هيعمل عليا حفلة وسط صحابنا ومش هنخلص
مالك ياض ما ترفع رجلك شوية من على الارض ولا عاوزني اشيلك
قالها بردو بسخرية وهو بيبصلي وبيضحك على منظري الي مكنتش فعلا قادر اداري الخۏف الي انا فيه لحد ما بقينا قدام الشقة حط المفتاح ودخلنا
اول ما دخلنا النور كان مطفي مكنش منور زي ما بعتلي في الصورة ولا كان فيه اي حاجة غريبة نورنا انوار الشقة كلها وفتحنا الأوض كلها نتأكد ان كل الامور تمام اتفقدنا الشقة وكانت