يحدث ليلًا

كل حاجة فيها طبيعية
ما كل حاجة تمام والشقة زي الف
قولتها وانا بلف ضهري اكلم احمد لكن قطعت الكلام لما لقيته مش موجود ورايا اول حاجة جت في بالي انه بيعمل فيا مقلب كا عادته متوقعتش ان يكون فيه حاجة غير كده الامور طبيعية في الشقة وبدأت انده عليه بصوت عالي
يلا يا بابا عشان ننزل وفكك من الحوا
وقبل ما اكمل كان كل انوار الشقة انطفت بعد ما كانت شغاله كلها
جسمي اتنفض وقلبي وقع من الخضة وبدأت انده بصوت عالي و مرتجف الكلام طالع منه متطقع
ااا اااحمد ممممم مش وقت هزاار اااا احمد انت فين
فضلت اكرر الكلام اكتر من مره وانا مش سامع نفس لأي حد بتمني انه يكون بيعمل فيا مقلب وانا متقبل التريقة الي هيتريقها عليا وسط صحابنا بس يارب يطلع مقلب يارب فضلت احسس ب إيدي كده بحاول امسك او اسند على أي حاجة توصلني لمفتاح النور لحد ما لقيت إيدي جت على وش بني ادم للوهلة الأولى افتكرت انه احمد
بببب بس مكنش احمد عيون ومناخير وودن وكل اعضاء الوش ايدي بتمشي عليهم بس مليان شعر ناعم ممممم مستحيل وانا بحسس على الشعر وقبل ما اصړخ سمعت صوت طالع من الشئ الي واقف قدامي صوت زي زئير الأسد بس واطي كأنه اسد بيستغد ينقد ع الفريسة لسانه خرج من بوقه مليان لعاب وفضل يمشيه على ايدي الي كانت من الصدمة مش قادر اشيلها من على وشه كأنه اتشلت
هنا حسيت بكهربا في جسمي مش حسيت انا جسمي كان بيترج زي الي بيتكهرب بجد فضلت اعيط اعيط جامد حصلتي حاله هستيريا لدرجة ان بقي يطلع مني اصوات غريبة لحد ما سمعت صوت صليل حصان ورا ضهري وبعد لحظة لقيت جسمي بيترطم على دماغي كأنه فعلا حصان رفع رجليه الاتنين ونزل بيهم عليا
نزلت على الأرض وعمال أتأوه وبحاول اتكلم بصوت مش عاوز يطلع
ااااا ااا احمم مد
لحد ما عيني غمضت بالتدريج وفقدت الوعي فتحت
عيني لقتني مرمي في الشقة واحمد مرمي جنبي بنفس الوضع عشان اكتشف ان الي حصل معايا حصل معاه بالظبط بس الفرق ان محدش فينا كان دريان ولا سامع التاني كأني انا كنت في مكان وهو في مكان تاني
نزلنا من الشقة واحنا بنلعن اللحظة الي قررنا ندخل فيها الشقة الملعۏنة ديه الشقة مسكونة بسبب ان بقالها فترة كبيرة محدش بيدخلها ولا بيشتغل فيها قرآن مش عارف ازاي خرجنا منها على رجلينا بعد الي حصل بس انا عمري ما هعمل كده تاني الحاجات ديه مفيهاش هزار مش لمجرد اني ابان جامد قدام الناس وقدام صحابي اضحي بنفسي انا لحد دلوقتي مش مصدق اني عملت كده في نفسي