اسكريبت كامل بقلم الكاتبة المبدعة حُنين

ومحدش يفتح معايا الموضوع مره تانيه
_ طب...
قولت لا.. وبلغوه برفضي بهدوء بدل ما اقولهاله انا بشكل مش هادي أبدا
وخلاص قفلت الحوار ده.. صحيح كنت بحس بالأمان اللي كنت مفتقداه وهو جنبي لكن لا.. مش مجرد شعور الأمان يخليني أربط حياتي بشخص...
هو هيبقى ليا اب وأخ قبل ما يبقى زوج..
انا مش بس بختار زوج ليا..
انا بختار اب لولادي
بختار جد لأحفادي
بختار طبيب نفسي وقت مشاكلي
وصاحبي الجدع وقت زهقي
وزوجي الحنين وقت احتياجي
واخويا السند وقت تعبي
وابويا اللي حضنه بغنيني عن الكل...
وابن تاني لأمي وأبويا.. وأخ جديد لأخويا..
هيبقى جوز خالة ولاد يوسف وأب تاني ليهم..
الامان صحيح أساسي..
لكن الحب والتفاهم برضو مهم..
هو مش متفاهم..
ايده سابقه دماغه زي ما يوسف قال..
منكرش اني لاحظت انه غيران ساعة حوار كريم..
بس مش بيفكر في نتيجة أفعاله..
بيعمل الحاجه ويرجع ېتصدم من النتيجه..
طب وليه من الأول يا ابن الناس....
طب كنت اديت نفسك فرصه تتفاهم بهدوء..
التفكير ده مهم عشان كده الراجل هو القوام..
هو اللي يفكر بهدوء وعقله سابق قلبه..
عشان تحكمه في أعصابه اكتر من الست..
عشان ثباته الإنفعالي في موقف ممكن يخليني أنهار!..
خلاص.. كفايه كده.. مستحيل نبقى لبعض...
_____________
مر حوالي أسبوع وانا معرفش عنه حاجه... مش بييجي الجامعه ولا حتى بييجي البيت...
منكرش اني قلقت من الاختفاء المفاجئ ده بس كنت بقعد اقوله لعله خير...
جيت في اليوم التامن لما دخلت المدرج سمعت صوته!.. ايوه هو صوته..
_ ازيكم يا شباب اخباركم ايه
الحمدلله يا دكتور
_ معلش غبت عنكم شويه.. لكن معلش وعشان نعمل ريفريش لمعلوماتنا هعمل امتحان صغير دلوقتي
كله وافق على رايه لإنهم بيحبوه.. بس جه فجأه وقال
_ انسه حنين
ايوه يا دكتور
_ اتفضلي اطلعي بره
نعم!
_ بقولك اتفضلي اطلعي بره
ليه
_ من غير ليه.. اتفضلي
بس...
_ من غير كلام لو سمحت
سمعت زمايلي بيتهامسوا عاللي بيحصل بس حقهم.. انا نفسي مستغربه ده كله..
حبيبه خرجت ورايا عشان تهديني لانها عارفه اني هعيط...
قعدت تطبطب عليا وتقولي
_ اهدي يا حنين
اهدى ازاي!.. ازاي يعمل كده
_ يمكن يكون عنده سبب
سبب ايه اللي يخليه يطردني من المحاضره بالمنظر ده!
_......
ما تردي عليا... سبب ايه
_ ما انا معرفش
عشان مفيش سبب من الأصل
_.....
ازاي يزعقلي ويكلمني بالطريقه دي!.. ازاي هونت عليه يهينني بالمنظر ده قدام دفعتي كلها!
قومت سبتها وروحت.. انا كنت محتاجه انام... لازم انام... وبعد ما صحيت لقيته قاعد بره.. مقدرتش اسكت بقا وطلعت روح عبده مۏته اللي جوايا..
_ انت ايه اللي جابك هنا يا بني آدم انت!!.. انت بجح
لقيت ماما بتزغرلي وبتقولي
عيب كده يا حنين
_ عيب!.. بقا انا اللي يتقالي عيب.. وده مين يقوله عيب هاا!
بس يا حنين اسكتي
_ لا مش هسكت.. انت انسان بجح ومعندكش ډم... انت ازاي تعمل فيا كده.. ليه كل موقف بيني وبينك تضايقني فيه اكتر من الأول.. ليه بتكمل عليا!!.. ليه بجد بتعمل كده!
انا عارف ان....
قاطعته بكل ضيق وتعب من أفعاله
_ عارف!.. انت متعرفش حاجه.. انت... انت أذيتني يا يونس.. انا كنت فاكره انك هتكون انت ويوسف في ضهري وتخلوني اواجه قسۏة الدنيا.. لكن دلوقتي بقيت بواجه قسۏة افعالك انت!.. طلعت مع الدنيا عليا
كان بيبصلي وهو شويه وهيعيط بس كان لازم يفهم... كان لازم يفكر قبل ما يتصرف.. كان لازم يندم على أفعاله المتهورة ويستعين بالحكمه في أفعاله..
لقيته بص لماما برجاء
_ لو سمحت يا خالتي سبيني معاها شويه
بس...
_ لو سمحت!
وفعلا ماما سابتنا في الصاله بس كانت قريبه منا عشان منبقاش في خلوة... ولقيته اتنهد وقال بصوت حزين
حنين لو سمحت
افهميني
_.....
طب بصي اسمعيني للآخر وبعدين قرري
_ اتفضل