رواية كامله بقلم سولييه نصار

بقا النهاردة
قالتها وراحت المطبخ
دخلت اوضتي وانا بمسح دموعي من جهة الياس اللي عايز يتقدملي ومش عارفة نيته ايه ومن جهة تانية اخت ابو لهب في الشړ ...ياربي هو انا الاقيها منين ولا منين ...بس لحظة ليه زعلانة كده كده مرات ابويا هتطفشه وانا في الامان الياس مش هيطولني ولا حاجة وقدام بابا هتبقي مرات ابويا السبب عشان ابويا هيحس أنها مستقصدة تعمل كده ...
غيرت هدومي وروحت اساعد الحية اللي ابويا بلانا بيها الهي تتشوي في ڼار جهنم البعيدة يارب
......
بالليل
مسكت صينية العصير وانا مبتسمة وماشية براحة ...قدمتها لإلياس وأمه وأبوه ...
ما
شاء الله عروستنا جميلة اووي
ابتسمت بكسوف وروحت اقعد كنت مرتاحة لان مرات ابويا ولأول مرة هتعمل حاجة حلوة عشاني ...ياااه اخيرا هتكفر عن ذنوبها الكتير في حقي انا مش مصدقة نفسي ... ضيفتهم الكيك اللي انا عملته وطبعا هتقول أنها هي اللي عملاه نسيت نفسها بت لواحظ كانت فاكرة الكيكة فونشة مواعين ...بس يالا كله يهون عشان اخلص من السمج اللي طلعلي في البخت فجأة
الله حلو الكيك ده يا مدام ملك
ملك مين والله الاسم خسارة فيها مكانوش سموها تس تس انا التعبان لايق عليها اكتر
ابتسمت حماتي نفس الابتسامة الصفرا اللي في يوم هكسر سنانها بسببها وقالت
دي من عمايل ايد هدهد حبيبتي
ايه ...لا بتعمل ايه البلوة دي ... هتبوظ الخطة بعدين هدهد مين بس هي جبتني من حديقة الحيوان !
عروستنا بتعرف تعمل حلويات كمان
اومال هدهد شاطرة اوووي يا مدام كاميليا في الطبيخ وشغل البيت وحتي ناجحة في شغلها اووي بجد ابنك محظوظ بيها ...لو عندي ابن كنت جوزته ليها
لا شكرا اكيد كنت هنتحر قبل ما اتبلي بحد من جينات بت لواحظ ...بس هي بتعمل ايه ...ايه ضميرها صحي فجأة !!
كملت حماتي كلامها وقالت
هدي صحيح مش من دمي بس والله انت بعتبرها اكتر من بنتي ....هي إنسانة طيبة عمرها ما عاملتني بطريقة وحشة ولا انا
وهنا استحضرني مشهد لما مسكنا في بعض انا وهي وشدينا شعور بعض لحد ما جه ابويا ضړببنا بالحزام ...لا الست دي مش طبيعية ...دي اتلبست ...اكيد اتلبست يخربيتها هتدبسني في الياس يا مرك يا هدي عملتي ايه عشان المصاېب دي كلها
ابتسمت ام الياس وأبوه وقالوا بطيبة
احنا عجبتنا هدي اووي ويشرفنا أنها تبقى كنتنا
يالهووي يالهووي
قولت في سري وانا بفتكر كل الروايات اللي قريتها ...انا انتهيت
يبقي نقرأ الفاتحة
قالها ابويا بصوت عالي
لااااااااا
قومت وانا پصرخ
بصلي بابا پغضب. قال
فيه حاجة يا هدهد
اه...لا ..اه...انتوا نسيتوا حاجة
ايه هي
تاخدوا رايي
ڼار طلعت من عيون ابويا وقال
ليه يا هدهد عندك مانع
خۏفت وانا بهز راسي واقول
ربنا ما يجيب موانع يا حاج نقرأ الفاتحة
علي روحي
كملت بصوت واطي ...وقعدت وانا بلطم ...بصيت لمرات ابويا لقيتها بتبصلي بإنتصار ...بنت كوم الشكاير دي دبستني!
يتبع
الفصل الثالث
ليه عملتي كده !
زعقت فيها بعد ما الضيوف مشيوا
بصلي ابويا پغضب وحيرة ....
بس انا مهتمتش كنت متضايقة ...هي ليه عايزة تبوظ حياتي بالشكل ده انا عملتلها ايه ...ليه الحقد ده
بصتلي بإبتسامة نصر وقالت
مالك يا هدهد بس الحق عليا اني خليت حد يقبل بيكي بدل ما انتي قاعدة زي البيت الواقف ...يعني مفروض تفرحي ان اخيرا حد رضي بيكي
شايف يا بابا كلامها ...شايف بتقول ايه
تستاهلي لانك متربتيش
قالها ابويا بعصبية فاتكلمت هي
عندك حق هي فعلا متربتش والحق عليك انت وامها....
وشي احمر من الڠضب ...دي جابت سيرة امي بت لواحظ وساعتها محستش بنفسي الا وانا بجيبها من شعرها ......بقلم سولييه نصار
.....
بعد شوية كنت