قصة تمسك بقلبي فإنه يحبك بقلم إسراء بدوي

شعرة مني بس.
طيب ارتاحتي وريحتي كنت لسة هقولك إني مش عايز ألمس واحدة وس زيك ولا أتشرف إنك تبقي مراتي أصلا.
على أساس إني متشرفة بيك يعني! دا إنت حتة خدام ولا تسوى.
حاضر أنا هواريك الخدام بيعمل ايه.
فحملها ودخل بها غرفة النوم
حسابك تقل أوي أنا هعرف أهدك إزاي.
پخوف إنت هتعمل إيه.... هصوت بجد اوعى تقرب.
احنا لوحدنا في الجناح صوتي على قد ماتقدري.
پبكاء أرجوك متعملش كدا أنا آسفة والله مش هقولك كدا تاني.
بصوت عالي قولتي خدام وسكتت قولتي فقير وسكتت قولتي ضعيف وقولتي كلام زي السم وسكتت واستحملت إنت إيه إيه التكبر دا وإشي مستوى وإشى خدام وفقير وحاجة في منتهى القرف أنا زهقت منك ومن أفعالك وخلاص مش قادر أستحمل وهعمل تصرف مش هيعجبك استحملتك وأنت بتهنيني قدام صحابك قبل كدا واستحملت إهانة وشتيمة وقلة أدب ودا كله ليه ها ردي عليا
دا كله عشان....... أعيش وألاقي فلوس أصرف منها وراضي بقليلها وتيجي إنت وتقولي خداام أنا مش خدام يا إسراء أنا بشتغل زيي زي أي حد بيشتغل ويجيب فلوس حلال من عرق جبينه وللأسف مش أنا اللي إنت بتتمنيه بس أعمل إيه دا نصيبي.
بدموع عارف ياعمر أنا اتربيت في رفاهية ودلع وكل طلباتي مجابة بس للأسف معرفتش معنى السعادة معرفتش معنى إن حد يحبني بجد حد يحبني ويحب روحي قبل شكلي كله طمعان في فلوسي وشكلي ودا شيء خلاني أكره ناس ملهاش ذنب إنها تتكره كنت دايما أستحقر الناس المتوسطة والفقيرة عشان مش معاهم فلوس زيي ولا شكلهم حلو زيي وطبعا كل دا وأنا كنت عامية ومش بشوف الناس الطيبة الجدعة اللي فيهم عمر اديني وقت أعرفك فيه وأوعدك مش هزعلك بكلمة تانية.
طيب تمام.
شكرا.
على إيه بس.
شكرا دي مقولتهاش لحد قبل غير ليك أنا طبعي منيل بنيلة وكمان أنا حاسة إني في متاهه امبارح كنت عزباء وفجأة أبقى متجوزة من شخص مش عارفاه كويس بابا وماما زعلانين مني عشان حاجة عمرها مكانت حصلت هو أه كان هيضحك عليا بس أنا لحقت نفسي أنا عشت وحيدة مش عندي أصحاب بجد كل صحابي دول صحاب مصلحة عندي مشاكل في كل حتة وكمان موضوع الجواز المفاجئ دا تنهدت وقالت عمر أنا مش متكبرة ولا مغرورة كل الحكاية إن أنا عشت بيئة مش مساعداني على إني أتواضع وابقى زي أي شخص عادي عارف يا عمر! كلامك على الشغل وكلامك عنك خلاني أحترمك بس اديني مهلة عشان آخد عليك شوية.
مستغرب من أفعالك بس هديك مهلة يا إسراء.
هو إنت خريج كلية إيه.
كلية......... هندسة.
مش معقول وإزاي مش بتشتغل في شغل الهندسة أو تشتغل مهندس.
تنهد بحزن خلاص يا إسراء متفتحيش موضوع الكلية دا.
حاضر ياعمر إنت هتنام فين.
هنام في الحمام. هههههه.
خفيف.
سؤال غريب بردو يعني إزاي هنام فين المهم أنا هنام على السرير.
إيه دا إيه دا وحياتك! إزاي بقى وإحنا لسة متفقين.
مليش دعوة أنا مش بنام على الأرض أنا أو حتى بنام على كنبة عايزة يابنت الناس تنامي على السرير يامرحب مش عايزة تنامي عليه يا ألف مرحب.
بس أنا عمري مانمت على كنبة أو حتى الأرض أنا مليش دعوة نام إنت على الكنبة.
وأنا مليش دعوة.
وأنا مالي بقى نام على الكنبة ياعمر دي مريحة وجميلة جدا.
أيوا يابت كلي بعقلي حلاوة طيب بصي