المخادعة والمدرس بقلم إيمان شلبي

أيده في جيبه وبيبصلي بنظرات غامضه كعادته
وصلت البيت ودخلت علي اوضتي علي طول من اغير ما انطق حرف مع حد
قفلت الباب واترميت علي السرير وانا بعيط بحرقه علي كل اللي حصلي وعلي كل اللي وصلتله بسبب الحب
عمري ما كنت اتخيل انه بيوجع اوي كده عمري ما كنت اتخيل انه بيذل بالشكل ده !
بعد فتره هديت وقومت من مكاني وانا بخرج من الأوضه عشان أبلغ اماما بقراري
انا هسافر بكره كندا
قولتها بجمود لماما اللي كانت قاعده بتشرب شاي وبتتكلم مع خالتو في الفون
ماما ببلاهه
نعم !
بصيت لها بجمود وعيون حمراء
زي ما سمعتي انا مسافره بكره كندا عند اخويا
ماما پصدمه
ده ازاي يعني
عادي ياماما زي الناس
ماما بغيظ
وده من أمتي كمان هو انتي مش كنتي صرفتي نظر عن السفر لكندا عند اخوكي مش قولتيلي انك مش هتسبيني لوحدي !
غمضت عيني بحزن وانا ببلع ريقي وبقرب منها وبقعد علي ركبتي قدامها
ماما انتي عارفه اني بحبك صح !
بصيتلي بحزن وعتاب
فعشان كده عايزه تسبيني لوحدي مش كده
هزيت راسي بنفي وانا برد بدموع
صدقيني لا ب بس
وسكت لحظه وبعدين اتكلمت بدموع
ماما أنا تعبانه اوي
قولت جملتي وانا بحط راسي علي رجلها وبعيط بحرقه
اټفزعت وهي بتحط ايديها علي راسي
مالك يابنتي في ايه
مردتش عليها إنما فضلت اعيط اكتر وجسمي بيتنفض
يابنتي ردي عليا في ايه متقلقنيش عليكي ياضنايا
رفعت راسي وانا بمسح دموعي وبقول بهدوء
متقلقيش عليا ا انا بس ا انا محتاجه ابعد شويه
تبعدي ليه في ايه يا ايمان مخبيه عليا ايه
اتنهدت وانا بحاول اكون طبيعيه
مفيش حاجه صدقيني ا انا بس ا انا تعبانه شويه ومحتاجه ابعد عن كل حاجه هنا و...
قاطعتني بحزن والدموع بتلمع في عينيها
حتي عني عايزه تبعدي عني وانتي عارفه اني مليش غيرك
قومت بلهفه وانا بضمھا
لا صدقيني ياماما ا انتي مش فاهمه الموضوع وبعدين انتي مش لوحدك انتي معاكي بابا وخالتو وشهد ومريم اختي معاكي ناس كتير
بصيتلي بحزن
بس انتي عارفه ان كل دول كوم وانتي كوم تاني خالص
بس انا تعبانه ياماما تعبانه اوي ولو فعلا بتحبيني وافقي اني اسافر
واتنهدت بحزن
و وعد هو شهر واحد بس انسي فيه كل حاجه وارتب حياتي من تاني وهرجع انتي عارفه اني مقدرش استغني عنك
بصيتلي بجمود
اعملي اللي يريحك
ياماما انا ...
قاطعتني بنرفزه
اعملي اللي يريحك ياايمان خلاص
بصيتلها بحزن وانا ببوس رأسها وبقول بهمس
متزعليش مني
قولت جملتي ودخلت الاوضه عشان احضر هدومي وكل حاجه
شويه ولقيت شهد بتكلمني بصيت للفون وانا بتنهد بضيق لاني عارفه انها هتكلمني في الموضوع
الو
ردت بلهفه
صحيح الكلام اللي سمعته ده
كلام ايه !
انتي مسافره بجد
قعدت علي طرف السرير وانا بحط الهدوم اللي كانت في ايدي
ايوه ياشهد انا مسافره
طب ليه
رديت بحزن
عشان انتي اكتر واحده عارفه ليه
بس بس هو اتقدملك ياايمان يعني أنتي هترفضيه!
ايوه هرفضه ياشهد عشان هو مش بيحبني هو عايز يرضي غروره مش اكتر
ازاي انا مش فاهمه حاجه
حكيتلها كل اللي حصل وبدأت دموعي تنزل علي خدي لدرجه اتحولت لشهقات متتاليه وجسمي كله كان بيتنفض وانا بوصفلها احساسي وبحكيلها عن قد ايه كسره القلب وحشه
أما عنها منطقتش حرف وانما كانت قاعده تسمعني بكل هدوء لحد ما خلصت
يعني انتي هتسافري عشان تهربي !
ايوه ياشهد
طب وهو ده الحل يا ايمان هروبك هو الحل !
مفيش قدامي غير كده عايزه انسي ياشهدعايزه ابدء حياتي من اول وجديد طول مانا هنا هفضل عايشه في قوقعه مش هخرج منها ابدا طول مانا لسه بحبه وبفكر فيه
شهد بحزن
اعملي اللي يريحك
شهد انتي مش زعلانه مني صح
ردت بهدوء
انتي اكتر واحده عارفه انا بحبك قد ايه وطالما السفر هيريحك هيخليكي تنسي وتبدأي من جديد يبقي اكيد انا مش زعلانه انا عايزه مصلحتك
رديت بدموع
ربنا يخليكي ليا
ويخليكي ليا هتسافري امتي
علي ٧ هكون في المطار
تمام انا هاجي اوصلك
لا متتعبيش نفسك انا....
شهد باصرار
استنيني هاجي اوصلك انتي مش عايزه تودعيني ولا ايه !
هستناكي
يالا باي
قفلت معاها واتنهدت بحزن وانا بمسح دموعي وبكمل توضيب شنطتي
تاني يوم الساعه ٧ كنت واقفه قدام المطار انا وشهد وانا ببصلها بعصبيه
يعني ايه مفيش سفر إلا لو كنت متجوزه هو اي العبط ده !
شهد وهي بتحاول تكتم ضحكها
مش فاهمه بصراحه اي ده طب انا عندي حل
رديت بلهفه
ايه هو
شهد بهمس
اجوزك الواد ذكي جارك
بصيت لها بغيظ وانا بجز علي اسناني
اخرسي خالص
شهد پخوف
ا احم انا اسفه
وبرقت مره واحده وهي بتبص لمكان معين ببلاهه
الاااه
ايه يابت في ايه
الاه
بصيت للمكان اللي هي بتبص عليه باستغراب ووقفت انا كمان زيها مبرقه عيني بذهول
الااااااه
كان بيقرب مننا معاذ وهو حاطط أيده في جيبه وعلي وشه نفس الابتسامه المستفزه بتاعته
وصل قدامنا واحنا واقفين مبرقين وفاتحين بوقنا زي المتخلفين
جسمي اترعش وقلبي دق پعنف لما قرب مني ومال بنص جسمه وهو بيقول بهمس في ودني
الدبان
بعدت خطوه لورا وانا ببلع ريقي وبقول ببلاهه
هه
ضحك ضحكه خطفت قلبي وخاصه لما قفل عيونه وهو بيضحك وقال بمشاكسه
اقفلي بوقك عشان الدبان
قفلت بوقي وانا بحاول اكون طبيعيه وقولت بهدوء
انت ايه اللي جابك هنا
رد بتلقائية
انتي
رفعت حاجبي باستغراب
افندم
اتنهد وهو بيبص لشهد وبعدها بيبصلي وهو بيقول بنفس الهدوء
عرفت أنك مسافره قولت امنعك
رديت بعصبيه وغيظ
نعم تمنعني وبصفتك مين بقي عشان تمنعني من السفر
ضحك ضحكه بارده وخبيثه
بصفتي جوزك أن شاء الله
اااااااه ده عند الست الوالده
قولتها بتلقائية وصوت عالي وهو واقف يبصلي بنفس ملامحه البارده الخاليه من اي تعبير
بصيت لشهد وانا بقولها باستعجال
يالا يابنتي يالا نمشي مش ناقصين عطله
واتحركت خطوتين بس وقفت مكاني لما سمعته بيقول بجمود
محدش هيسمحلك تسافري الا بأمري
لفيت بغيظ وانا بقرب منه مره واحده وبرفع راسي ابص في عيونه
وده ليه بقي أن شاء الله مفكر نفسك مين انت عشان تقولي كده صاحب المطار مثلا ولا تكونش ابن وزير عشان تمنعني من السفر
لا جوزك المستقبلي أن شاء الله
هه ده عشم ابليس في الجنه
قرب مني وهو بيهمس عاشق في ودني بجمله خلتني اترعش وافقد النطق نهائيا
متمشيش ياايمان انا بحبك
برقت عيني وقلبي دق بشكل ميتوصفش كان بيدق بسرعه رهيبه وجسمي كله بيترعش والدموع نازله علي خدي من غير ما احس
بصيت في عيونه وانا بقول بهمس
ب بتحبني
هز رأسه وهو بيقول بهدوء
من سنه
رديت بتوهان
ازاي !
اتنهد وهو بيبص في عيوني
وانتي فاكره اني مشوفتكيش ولا مره كنتي بتراقيني فيها
انا شوفتك من اول مره يا ايمان مرايه العربيه خلتني اشوفك