چرح غائر بقلم نيرة محمد كاملة

في الدنيا ونصيبك هيجي بس اللي يقدرك ويشوفك ملكه فاهماني ولا لا
نور شددت من حضنها بفرحه انها هتسامحها واتكلمت بصدق حاضر يا ماما والله كل اللي انتي عايزاه هعمله بس انتي تكوني راضيه عني ومسمحاني
مني بحب ربنا يهديكي يا حبيبتي ويفرحني بيك يارب هخرج انا عشان ترتاحي واشوف انا الاكل اللي علي الڼار
نور هزت دماغها علامه الموافقه وبعد ما امها خرجت راحت ناحيه السرير واخدت صوره عاصم وبصت فيها بتامل وبعدها قطعتها ووعدت نفسها انها تنسي حبه ويكون اخ ليها وبس
فوق عند عاصم كان واقف بيلبس ترنج رياضي شيك باللون الاسود وملك بتلبس فستان استقبال كت وعند الركبه باللون الاحمر وفرده شعرها وكانت في قمه
جمالها وهو في قمه وسامته عاصم باسها من خدها بحب واتكلم ايه القمر ده كله يا حبيبتي
ملك بخجل انت اجمل ياعاصم انا بحبك اوي
عاصم بجراه طب بقولك ايه ما تسيبك من خالتك وامي اللي جاين دول ونشوف موضوع بتحبيني اوي دي
ملك خبطته في كتفه واتكلمت بدلع بطل بقا احسن بتكسف
عاصم لسه هيرد عليها قطعهم جرس الباب ابتسم وهي ابتسمت وراحوا عشان يستقبلوا ضيوفهم فتحوا الباب لقوا خالت ملك ومامت عاصم ومامت نور واللي صدمهم ان نور طلعت معاهم عشان يباركوا ليهم عاصم بترحاب اهلا وسهلا اتفضلوا منورين
ملك اضايقت اما شافت نور وده بان عليها ڠصب عنها دخلوا كلهم تحت ترحاب ملك وعاصم وقعدوا واتكلمت خالة ملك بطيبه الف مبروك يا ولاد ربنا يسعدكم يارب
عاصم وملك شكروها ورحبوا بالكل بس نور الوحيده اللي كانت حاسه انها مش مرغوب فيها من ناحيه ملك اللي كانت طول القاعده ماسكه في ايد عاصم كانه هيهرب منها وبتبص لنور بغيظ من غير ماحد يلاحظ
من ناحيه نور كانت بتعامل عاصم عادي وده اللي هي نفسها استغربته بس فرحت انها هتبدا تنساه او تتناساه بس كانت حاسه بغيره ملك منها وده اللي مش فاهمه سببه واستبعدت ان عاصم يكون كشف سرها وقال لملك علي حبها ليه
اليوم عدي بيهم حلو واتمنوا ليهم السعاده وبعدها كل واحد راح بيته وفضل ملك وعاصم اللي بيبصلها بزعل مش عارفه سببه ملك دخلت عليه كان نايم علي السرير وباصص للسقف بشرود قربت منه ونامت في حضنه وانكلمت بحب ممكن اعرف حبيبي زعلان مني ليه
عاصم بعدها عنه براحه واتكلم بعصبيه خفيفه ممكن انا اعرف انتي بتعملي كده ليه
ملك ياستغراب من عصبيته المفاجاه بعمل ايه ياعاصم وبعدين انت متعصب كده ليه عليا
عاصم بضيق مش عايزاني اتعصب يا ملك وانتي مقابله نور زي الزفت باستثناء الكل كنتي مقبلاهم احسن مقابله مش عيب يا ملك وهي في بيتك
ملك بصوت عالي طلع ڠصب عنها ايوه قول كده بقا انك مركز معانا ومع نور هانم بالذات وخاېف اوي علي مشاعرها كمان
عاصم شدها من دراعها جامد ناحيته واتكلم بهدوء مخيف شوفي دي اول واخر مره صوتك يعلي عليا فاهمه ولا لا
مفيش رد صړخ بصوت اعلي انطقي فاهمه ولا لا
ملك پخوف وهي بتبعد عنه واخدت جنب علي اخر السرير من رعبها من عصبيته الغريبه عليها فاهمه فاهمه
عاصم نفخ بضيق واستغفر في سره هو ليه اضايق كده من مقابله ملك لنور ليه زعل علي حزنها اللي باين في عنيها من معامله ملك ليها ليه اتعصب اووي كده علي ملك عشانها كل دول اساله كان بيقولها لنفسه باستغراب بص جنبه كانت ملك عطياه ظهرها وجسمها بيتهز دليل علي عياطها زعل من نفسه انه زعلها قرب منها وحط ايديه علي شعرها اتنفضت وبعدت عنه لدرجه انها وقعت من علي السرير لانها كانت في اخره بصت عليه وهي واقعه عيطت اكتر وصعب عليها نفسها قام نزل قعد جنبها علي الارض وخدها في حضنه ڠصب عنها رغم مقوامتها ليه اتكلم جنب ودانها بحزن حقك عليا ياملك متزعليش بس اضايقت منك لما عليتي صوتك عليا
وكمل بمعاتبه ينفع تزعقي كده يا ملك مش عيب
هزت دماغها في حضنه علامه الموافقه واتكلمت بهمس انا غلطانه بس بغير عليك اوي منها يا عاصم
عاصم بحنان انا مش هزعل منك المره دي عشان فاهم انك بتحبيني وبتغيري عليا مع ان مفيش اي داعي للغيره بس هتفهم ده بس ده ياريت ميتكررش تاني وصوتك يكون عالي لاني مش بحب الاسلوب ده بينا ماشي
ملك ماشي انا اسفه ياعاصم
عاصم بحب خلاص مفيش حاجه وعلي فكره انا كمان بحبك
وقبل ما ترد عليه كان شالها من علي الارض بهدوء ونيمها علي السرير واتكلم بمشاكسه ياريت تلزقي فيا عشان متقعيش الوقعه دي تاني كان شكلك يضحك بصراحه
ملك بغيظ يضحك ماشي ياعاصم ماشي
عاصم ضحك علي غيظها منه وخدها في حضنه وبعد دقايق كانوا راحوا في النوم من غير ما يحسوا
تاني يوم نور صحت بنشاط وصلت وفطرت مع امها وابوها ولبست وراحت علي كليتها وهي جواها طاقه وامل انها شخصيتها هتتغير للاحسن وهتتقدم في دراستها اللي كانت هملاها وتكون افضل من ما كانت في نص اليوم تلفون بيت نور رن امها راحت ترد سمعت صوت راجل غريب بيقولها السلام عليكم ده رقم بيت الطالبه نور صفوان
مني پخوف وړعب علي بنتها ايوه هو مين حضرتك وبنتي فيها حاجه
المتصل انا عميد كليه صيدله بعتذر منك نور تعبت شويه واتنقلت المستشفي ياريت حضرتك تروحي تشوفي حالتها وباذن الله خير
ام نور اټفزعت علي بنتها حتي مردتش بكلمه واحده قفلت التلفون ومكنتش عارفه بتلبس ازاي عشان تروحلها نزلت من البيت لقت عاصم بيستعد انه يروح شغله وبيركب عربيه شافها بتوقف تاكسي وشكلها مړعوپ جري عليها بقلق خير يا امي بتجري كده ليه
ام نور وهي بټعيط بالله عليك يا عاصم خدني وديني المستشفي نور موجوده فيها وقعت في الكليه وطلبوني اروحلها
عاصم قلبه وجعه عليها وحس پخوف غريب انها تروح منه بس فسر ده انها زي اخته واكيد بيحبها وېخاف عليها عاصم پخوف اركبي يا امي ومټخافيش نور هتبقي كويسه باذن الله
ركبت معاه وساق باقصي سرعه علي عنوان المستشفي بعد شويه وصلوا ونزلوا دخلو لقوا ندي بټعيط جروا عليها مني پخوف ندي نور جرالها ايه كانت كويسه يا حبيبتي قبل ما تنزل اتكلمي يابنتي طمنيني
ندي بدموع معرفش يا طنط هي كانت كويسه فعلا بس بعد المحاضره صړخت من دماغها ووقعت مني وكل الكليه اتلموا علينا وللاسف مش بتفوق فجبناها المستشفي ولسه جوه
من ساعت ماجينا
عاصم خوفه زاد سالها حد زعلها ياندي
ندي لا والله دي كانت كويسه وبتضحك عادي
قاطعهم خروج الدكتور اللي اجه عليهم واتكلم انتوا اهل المريضه اللي جوه
مني پخوف اه يا دكتور انا امها هي كويسه طمني
الدكتور بعمليه خير ان شاء الله
ووجه كلامه لعاصم وحضرتك
عاصم انا الدكتور عاصم كارم والمريضه اللي جوه في مقام اختي ياريت تطمنا
الدكتور بترحاب اه اهلا بحضرتك غني عن التعريف طيب تمام ياريت تتفصلوا اشرحلكوا حاله المريضه بالضبط في اوضه المكتب
وافقوا كلامه وراحوا معاه وندي دخلت لنور اللي كانت بدات تفوق وماسكه دماغها وپتتوجع ندي جرت عليها ومسكت ايديها واتكلمت بدموع وخوف مالك يا حبيبتي انتي كويسه حاسه بايه قوليلي
نور ابتسمت بتعب مټخافيش يا حبيبتي انا كويسه دماغي بتوجعني شويه
وكملت بتحذير اوعي تقولي لماما يا ندي
ندي مامتك وعاصم بره عند الدكتور يا نور اداره الكليه كلمت مامتك
نور بعصبيه لما سمعت اسمه وهو ايه اللي جابه معاها بقا طب ماما وجت عشان عرفت هو ايه اللي عرفه وجابه
مكنتيش عايزاني اجي اشوفك ولا ايه يا نور
ده كان صوت عاصم اللي دخل هو وامها ومش باين علي وشهم اي تعبير
نور بتوتر وخجل لا عادي يا عاصم بتكلم اني مش حابه اعطلك يعني وكده
عاصم بابتسامه ولا عطله ولا حاجه وبعدين مقدرش اعرف انك تعبانه ومجيش اشوفك
نور بكسوف اكتر شكرا يا عاصم
وبصت لامها لقيتها مش معاهم وسرحانه نور موجهه كلامها لامها اللي مش معاهم ابدا مالك يا ماما سرحانه في ايه والدكتور قالكم ايه مقولتوش يعني
مني انتبهت ليها واتكلمت هه مش سرحانه ولاحاجه يا حبيبتي وقالنا انك بتدلعي اوي علينا وجسمك ضعيف عشان كده بتقعي من طولك فلازم تاكلي كويس
نور بارهاق حاضر يا ماما ان شاء الله
عاصم استاذن منهم وخرج لما تلفونه رن بص لقا ملك اللي بتتصل رد عليها وقابله صوتها الهادي ايوه ياحبيبي انت وصلت المستشفي ولا لسه
عاصم لا ياملك انا لسه مروحتش نور تعبت وروحنا المستشفي واحنا معاها دلوقتي شويه وهنزل علي العياده واكلمك من هناك اطمنك اني وصلت
قابله عصبيتها المفاجاه هو في يا عاصم احنا مش ورانا غير نور هانم بتاعتك دي ما تشوف مصلحتك وتروح عيادتك ولا هتفضل تجري وراها من مستشفي لمستشفي كده
ملقاش رد عليها غير انه يقفل في وشها بدل ما يطلع كل اللي جواه عليها وساعتها مش هتستحمل كلامه ولا اسلوبه معاها رنت عليه تاني مردش عليها بص للتلفون بضيق وعمله صامت ودخل لنور يطمن عليها
فات اسبوعين وكانت نور دايما حاسه بتعب بس مش عايزه تقلق امها وابوها معاها فابتستحمل وتكتم في نفسها وتروح كليتها بصوره طبيعيه
ملك وعاصم علاقتهم بدأت تتوتر بسبب غيره ملك الزياده عن حدها وده كان كلام عاصم واللي بدأ يتخنق منها لانه شايف ان دي قله ثقه فيه وفي نفسها اكتر يوم بيكون في مشاكل بينهم لما بينزل هو وملك عند مامته ويشوف نور بالصدفه هناك وده بيكون اسوء يوم عليه لان غيره ملك من نور بقت مرضيه وفي المقابل نور مش بتقابل ده الا بالهدوء والطيبه علي امل ان ملك تطمن من ناحيتها وتحبها في يوم
في يوم وده هيكون نقطه تحول في حياه الجميع نور كانت قاعده بتذاكر سمعت تلفونها بيرن بصت لقت رقم عاصم ردت بهدوء الو
عاصم ايوه يا نور ازيك
نور الحمد لله يا عاصم انت عامل ايه وملك اخبارها ايه
عاصم پخنقه مش كويس يا نور مش كويس ابدا
نور پخوف عليه من صوته مالك يا عاصم قلقتني ملك حصلها حاجه
عاصم بحزن طلقتها يا نور انا طلقت ملك
نور پصدمه بتقول ايه انت بتقول ايه مستحيل ده يحصل طلقتها ليه
عاصم پخنقه نور انا مش قادر اتكلم في الموضوع ده دلوقتي بس انا عايز اقولك انتي حاجه تانيه
نور باستسلام براحتك يا عاصم مش هضغط عليك دلوقتي بس ممكن يكون في صلح وحل اكيد وشوف عايز تقول ايه انا سمعاك
عاصم بصوت مخڼوق نور انا حاسس اني بحبك اوي ومحتاجك جنبي
نور لما سمعته دقات قلبها علت لدرجه انها حست انها