حواديت الليل بقلم أمنية حلمي

بقت بترق لما أشوفه.
هو إزاي مبهر كدا
_أنا هنزل الشغل بكرة كدا بقالي إسبوعين واخد أجازة ويوم كمان وهترفد
رقصتله حواجبي بمكر واتكلمت
_وأنا اللي كنت فاكراك مسيطر في شغلك!
_قولي بصراحه.. أنت بتقولي كدا عشان أعند وأقعد معاك إسبوع كمان
كشفني ابن الإيه!
بس على مين
اتهربت بعيوني ورددت
_لا أبدا أنا أصلا زهقانة منك
_على العموم شوقك وصل يا جميل
_رخم!
همستها وسمع عشان كدا ابتسم وقال
_بس بيحبك
________________
سمعت صوت المفتاح بيتحط في الباب.. قلبي اتنفض أكتر واترعشت هو فيه إيه النهاردة!
حاولت أحسس على عفش البيت عشان أوصل للباب وأشوف مين جه بس فشلت.. الدنيا ضلمة ومش شايفة أي حاجة حتى مفيش نور من الشبابيك إحنا بلليل! وأنا.. بخاف من الضلمة.
صړخت بتلقائية أول ما حسيت بإيد لمست إيديا وهنا اتنفض هو كمان واتكلم
_إيه فيه إيه!!
هنا عيني دمعت ونبرة صوتي اترعشت خلاص مبقتش قادرة أستحمل.. أنا عندي فوبيا من الظلام ومبحبش أكون في مكان ضلمة ولوحدي.. أعصابي مبقتش فيا!
_أنا خاېفة
قولتها بصوت مهزوز فحسيت بدراعاته بتحاوطني كان بيحضني! وأنا مقدرتش أثبت أكتر وأنا اللي ضميت نفسي ليه.. حضنه آمان
آمان مفتقداه من زمان زمان أوي.. ييجي تلاتة وعشرين سنة!
مش فاكرة آخر مرة اتحضنت فيها من بابا جايز وقتها كنت في اللفة ويمكن لأ! أصلي مش ولد
مش عارفه بس أنا دلوقتي متطمنة وقلبي مرتاح
_رغد.. أنت كويسة
مردتش بس حسيت بهزة صدره في الضحك
_طب على فكرة النور جه من بدري قولي إنك ما بتصدقي
بعدت تلقائيا لكلامه ف كشړ
_ليه بس ما كنا حلوين وبعدين كدا تاخدي غرضك مني وترميني أهون عليك
بصيت له بعيوني المدمعة ومردتش
فاتكلم بهزار
_أنت الصدمة أفقدتك النطق ولا إيه يا حظك يا شهاب ملحقتش تسمع منها كلمة حلوة!
_بحبك
_إيه
نزلت دموعي وأنا بقرب راسي من حضنه عشان أخفي ملامحي المضطربة
_أنا بحبك يا شهاب
________________
_شهاب.. شهاب إلحق!
_إيه يا رغد حد يخض حد بالشكل دا
قالها بزهق وهو بيقرب مني لحد ما حسيت بدراعاته بتحاوطني
_فيه إيه يا ست رغد
شاورتله على السما وأنا بقف على أطراف صوابع رجلي عشان أشوف بوضوح
_بص.. دا شهاب!
بص مكان ما شاورت للشهاب الأحمر في السما ورفعلي حاجبه
_يا سلام! مانا شهاب معاك ومش عاجبك نفس الشيء لكنك بتحبي اللي بينور في الضلمة وبيطير!
ضحكت على كلامه قبل ما أتنهد بقلة حيلة وسط ضحكي
_أنت بتغير من شهاب يا شهاب!
كبت بسمته واتكلم بجدية مصطنعة
_متغيريش الموضوع يا هانم وقوليلي.. يفرق عني في إيه
_إتمنى أمنية وبطل رغي
_وهتتحقق
_إإممم.. جرب!
غمض عينه بعمق لدقيقة كاملة قبل ما يفتحها من تاني واتكلم
_إتمنيت
_وأنا كمان!
لفني لناحيته وغمز
_طب إيه مفيش حاجه حلوة لشهاب
_إممم.. لأ!
________________
عدى سنة على جوازك ٣٦٥ يوم بالتمام ودا اليوم اللي وعدت نفسي فيه أحكيلك كل اللي حصل زمان والدك جايز يكون عاش واتوفى وهو بيفضل الولاد عن البنات ويمكن مش معترف بخلفة البنت لكنه مكانش بيكرهك يا رغد أبوك كان بيحبك وعشان بيحبك إختارلك شهاب ابن عمك اللي عاش طول عمره متغرب ومبطلش يحبك حتى وهو مسافر على طول كان يبعتلنا جوابات ويسألنا عليكي!
أبوك كان عارف بحبه ليكي بس ملحقش يشهد عليه وعشان كدا وصى بجوازكم.. منها يريح قلبه وميشيلش هم فلوسه اللي شقى فيها عمره كله ومنها يتطمن عليك مع اللي يستاهلك ويستاهل قلبك.. بكتبلك الكلام دا عشان زي ما وعدت شهاب مش هحكيلك عن اللي فات غير بعد مرور سنة.. المدة المتفق عليها في الوصية عشان تستلمي ورثك بعد سنة من الجواز.. يمكن غلطت عشان أجبرتك ويمكن غلطت أكتر عشان سيبتك
طول الفترة دي
مبتواصلش معاكي لكن