رواية جديدة

الكابينه اللي ورا والسواق من قدام وفضلو طول الطريق مش بيتكلموا ابدا
اول ما وصلو عند بيتها كانت هتنزل بس مسك ايدها وقال بسرعه.... استني يا رحمه لو سمحتي... هقولك كلمتين بس ....ارجوكي كلمتين اتنين
رحمه قعدت بضيق وهو بص للسواق وقال.... احمد معلش ممكن تسيبنا شويه
السواق قال .....تحت امرك يا باشا..... ونزل وسابهم سوا
ادهم بص لها وقال بابتسامه.... انا هنزل في الكافيه القريب ده .....هشرب قهوتي لاني لسه ما شربتهاش..وكمان بقالي كتير ما شفتش الشارع ونفسي اشم هوا ....تيجي نقعد هناك ونتكلم على راحتنا افضل من العربيه
رحمه قالت پغضب .....لا شكرا .....انا عايزه اروح انام... كان المفروض اروح الشغل بس مش هقدر بعد اللي حصل اعصابي تعبت
ادهم ضحك بخفه وقال...... هو الصراحه سليم غلط ...كانت حركه مجنونه منه.... هو دايما بيتصرف بالطريقه دي انا بعتذر لك عن اللي عمله....ولو اني بصراحه حابب اكافؤه على العمله دي
رحمه بصيت له بدهشه وقالت..... نعم تكافؤه علشان خطڤني .....انت مش عارف انا مريت بايه.....انا كنت فاكره اني مخطوفه بجد وكنت ھموت من الړعب
ادهم ابتسم وقال..... لا المكافاه علشان قدرت اشوفك تاني..... انت ما تعرفيش انا كان نفسي اشوفك قد ايه .....كنت بتمنى اشوفك مره لو ھموت بعدها
رحمه اتوترت جدا من كلامه بس حاولت تقوى وما تبينش وقالت ......اديك شفتني.... واتمنى تكون اخر مره
ولسه هتنزل ادهم قال بسرعه...... رحمه ارجوكي بلاش تهربي بالطريقه دي..... تقدري تقولي لي لو كنتي ظلماني ازاي هتسامحي نفسك بعد كده
رحمه بصت له وقالت بدهشه.... ظلماك .....انا اللي ظلماك بعد كل اللي عملته معايا ده.... انا اللي ظلماك
وكملت بانفعال شديد وقالت .....انت طبعا مش حاسس انت عملت فيا ايه ......مش حاسس بكسره قلبي ولا بالۏجع اللي حسيته
ونزلت دموعها بحسره وقالت..... مش حاسس انك عشمتني بالميه في وسط الصحراء وسبتني عطشانه...و هتحس ازاي ودي اصلا لعبتك من الاول
ادهم لمعت عيونه بالدموع وقال..... طيب.... انا عارف ان اللي هقوله مش هيفيد في حاجه...... ومش هتصدقيه..... بس هقوله علشان ابقى عملت كل اللي عليا للاخر....... صاحبتك بتضحك عليكي يا رحمه .....كانت عارفه ان انا وانت على علاقه وطبعا لان هي مش متقبله فكره طلاقي منها عملت عليكي الحوار ده وفهمتك انها ما تعرفش وبقت تبني في خيالك صوره زباله ليا وتصرفات انا مستحيل اعملها ....انتي عرفتيني لفتره يا رحمه.... قولي لي انت بجد من جواكي مصدقه ان انا ممكن اعمل تصرفات زي اللي هي بتقولها دي...... انا ممكن اضړبها واعټدي عليها .....لو انتي من جواكي مصدقه كده عليا يبقى انا خلاص ما عنديش حاجه تاني اقولها
رحمه نزلت عينها بتوتر لان فعلا احساسها كان دايما يقول لها ان ادهم مستحيل يعمل كده..... بس عدم ثقتها بالناس وخصوصا الرجاله كانت موتراها وقالت..... ميرا صدقتي من تلت سنين...... عارفه عني كل حاجه...... احنا اصحاب قوي ومستحيل تعمل فيا كده
ادهم ضحك بسخريه وقال...... طب ما الاجابه في السؤال اهو ......هي لانها عارفه عنك كل حاجه وعارفه نقطه ضعفك بتضغط عليها ...اسمعيني يا رحمه .... اساس اي علاقه الثقه ولو انتي مش واثقه فيا ما
لوش لزوم
احاول اصلا.... انا قلت لك كل اللي حصل ومعنديش حاجه تاني اقولها
وقلع خاتم كان لابسه في ايده وقال بحزن واضح في عيونه ...الخاتم ده حفرت عليه اسمك كان نفسي يفضل اسمك حاضن شرياني عمري كله....ومتوقعتش اني ممكن اقلعه ابدا
رحمه بصت له باستغراب وتوتر وهو حطه في ايدها وقال .....انا مش هقدر اعمل زي اي حد بينفصل واتخلص منه او ارميه ......لان اسمك عليه..... خليه معاكي و فكري في اللي قولته ...فكري بقلبك مش بعقلك ......اذا صدقتيني هفضل كل دقيقه مستني على امل انك ممكن ترجعيهولي .....واذا لا ارميه انت مش هيبقى ليه لزوم معايا
رحمه بقت تبص لاسمها اللي على الخاتم ودموعها بتلمع في عيونها وادهم كمل بۏجع وقال .......عموما انا متوقع اللي هيحصل...لان ما ليش حظ في المقارنه بيني وبين الصحاب .......ميرا قبل كده اختارت صحابها على علاقتنا..... وانت دلوقتي بتختاري صاحبتك على علاقتنا....الظاهر كده اني ما استاهلش حد يختارني..... يمكن الغلط من عندي
رحمه نزلت دموعها لما قال كده وكانت هتنطق وتقول له انه اغلى حد في حياتها وحتى اغلى من ميرا نفسها بس اتراجعت في اخر دقيقه وقالت بدموع...... انا مش قادره اتكلم
ادهم هز راسه بتفهم و فتح لها الباب وقال...ولا انا عندي حاجه تاني اقولها.... يمكن دي تكون اخر مره اقابلك فيها ..كوني بخير ديما وحاولي تخلي بالك من اللي حواليك.... وفكري في كل حاجه بتتقال...... مش كل اللي بيصطنع الواد حبيب
بقلم..زهرة الربيع
رحمه حست كلامه نفس كلام والدتها و نزلت وهي متوتره جدا وحاسه انها دلوقتي بس بتخسروا
ادهم نادى السواق ومشي وهي فضلت واقفه بتبص للخاتم بدموع
في مكان غريب كان خالد مربوط على كرسي وبيزعق وبيقول پغضب...ياعالم يا زباله....انا هنا بعمل ايه...كلمو الزفت بتاعكم يجيني....حد يرد عليااا
دخل طه بغيظ وقال....فيه ايه ياض ...دماغي وجعتني من صوتك ...ايه مبتصدعش مبتتعبش ...احبالك الصوتيه مبتصعبش عليك
خالد قال پغضب...كلم سليم وقوله عايز اشوفه ....انا مش هفضل مربوط هنا عمري كلو .....خليه يجيني
طه قال بضيق..هيجيلك متستعجلش ....يلا يا حبيبي روق كده واقعدلك على جنب وصليلك ركعتين ينفعوك ....انت داخل على مۏت
قال كده وسابه ومشي... وخالد اتوتر من كلامه وبقى يفكر هيعمل ايه
عند سليم كانت غاده مصدومه من اللي بتسمعه وقالت بدموع ......قصدك ايه يعني .....عايز تقول ان بابا حرامي وڼصب عليكم في شركتكم
سليم قال بتوتر .....ده اللي حصل يا غاده.....و انا علشان استرد الشركه وافقت على الاتفاق اللي حصل بينا
غاده وقعت دموعها على خدودها وهي مش قادره توقف على رجلها لما استنتجت اللي يقصده وقالت...ات.... اتفاق ايه
سليم اتملت عيونه بالدموع وقال......اتفاق عرضه عليا ومقدرتش اوافق عليه في الاول ...بس لما بقى يضغط عليا روحتله وقولتله اني موافق....عرض انو....انو يرجع الشركه مقابل اننا نتجوز انا وانت....وانا كنت بحاول اكسب وقت مش اكتر ما كانش في نيتي نتجوز من الاول
غاده وقعت دموعها پصدمه شديده وحاولي تنطق بالعافيه وقالت پبكاء ......ابويا انا اتفق معاك على كده..... ابويا ساوم عليا وووووووو