رواية حواديت مريم وأدهم بقلم مريم وليد

أكله شربه كل ده!
أنت مقولتليش إنك عندك السكر قبل كده ليه
رفع حاجبه
وأنت معرفتيش لوحدك ازاي
بصيت له بأستغراب
وأعرف منين
ضحك بهدوء
مش مهم ممكن تيجي معايا نتغدى
اتنهدت بتعب
ماشي يا أدهم يلا.
خرجته وقفلت النور والباب وخرجت والعمال ساعدوه في الخروج كان لطيف كنت مبسوطة.. بس خاېفة!
أنت متغيرة معايا ليه
رفعت عيني وأنا باكل
متغيرة في إيه
يعني.. ملاحظ كده إنك بتعامليني بطريقة غريبة أوي.
اتنهدت بتعب
والمفروض أعاملك أزاي وأنت غريب
أختي.
رفعت حاجبي بعدم فهم فبص للطبق وأكل منه وهو بيكمل
اللي شوفتيها معايا كانت تقى أختي مش خطيبتي ومش صحبتي ومش مراتي.
حم ار مته ور أنا حم ار مته ور.
فعلا
ضحك بخفة
شفت إنك متعرفيش عني كل حاجة
بلعت ريقي وكملت
تقصد إيه
ابتسم وساب الأكل وحط إيده على خده وهو بيتكلم
أقصد إني عارف إن بقالك خمس سنين متابعاني ومرقباني وشبه عارفة عني كل حاجة يا ست مريم.. بس مكنش ينفع أتكلم كنت شايفك وملاحظ وجودك بس مكنتش عارف أخد خطوة.
كنت مسهمة وأنا بصاله ضحك وبعدين كمل
وكنت بشوف وشك وتغيراته لما تكون معايا زبونة رخمة وتضحك وتهزر وكنت بشوف نظراتك للبنات في الشغل أنا مش أهبل أنا بس كنت محافظ عليك.
كان الموقف أكبر مني أكبر من إني أستوعبه وقبل ما أقول أي كلمة سبقني هو.
دلوقت الشقة جاهزة والعفش فيها مش ناقصها غير لبسك وجهاز العروسة.. بليل هاجي لعمي والجمعة الجاية كتب كتابنا وآه
عمي عارف بقعدتنا دي.
رفعت حاجبي
يعني مكنتش تعبان
ضحك جامد وبصلي
والله عندي السكر بس مكنتش تعبان لا.. اشوفك بليل يا قطة.
الوقح طلع بيكدب عليا طيبب ماشي يا أدهم والله ل.. ل.. إيه مش عارفة عايزة ماية بسكر حاسة إني دايخة!
يا دبلة الخطوبة عقبالنا كلنا.
رحمة كانت ماشية بتصيح في الشقة وهي بتظبط لبسي قبل ما أنزل علشان كتب الكتاب وماما بتظبط الاكل اللي هتوديه البيت والبيه لسه عند الحلاق.. يعني أنا مروحش للكوافير وهو يروح للحلاق ده زوولللم!
شكلك جميل أوي!
رفعت حاجبي
على فكرة لسه مكتبناش الكتاب!
ضحك بخفة فلقيت بابا مسكني من إيدي وبصله
عارف يا واد! لو مخلتش بالك على ست الناس وحققتلها طلباتها وحسستها بالأمان هعمل فيك إيه
ضحك بهدوء
أنت تعمل كل اللي أنت عايزه يا حج!
بابا ضحك وخبطه بخفة على وشه
جبت منين الواد البكاش ده يا مريوم
بارك الله لكما وبارك عليكما وجمع بينكم في خير إن شاء الله.
تعرفي إن شكلك حلو أوي النهارده
رفعت حاجبي
النهارده بس
غمزلي
حلوة ومنورة علشان معايا.
ضحكت وأنا بميل على حضنه
أنا بحبك أوي.
وأنا بحبك أوي أوي أوي.
كل الطرق للهرب منك تؤدي إليك ف.. لأين سأهرب!
مريم وليد محمد.
حواديت_مريم_وأدهم.