رواية كامله

يبقى معندوش لا أصل ولا دين.. الكوليه ده هيرجع لي يا عمر، دلوقت حالا، وإلا والله العظيم هقلب الفرح ده مناحة!
عمر وشه احمر وعروقه برزت وقال بتحدي مرعب
وريني هتعملي إيه يا أميرة! لو فتحتي بقك بكلمة واحدة، لا إنتي مراتي ولا أعرفك، وهرميكي في الشارع باللي عليكي.. الكوليه ده بقى ملك العروسة خلاص، وبلاش حركات نسوان بيئة وتفرجي علينا أمة لا إله إلا الله!
سابني ومشي.. راح وقف جنب العريس يضحك ويهزر وكأن مفيش حاجة حصلت. وقفت أنا في نص القاعة، لابسة أشيك لبس عندي، بس حاسة إني عريانة.. حاسة إن الراجل اللي استأمنته على حياتي طلع هو الحرامي اللي بيسرقنى
بصيت لحماتي وهي بتبص لي بنظرة شماتة من بعيد، وكأنها بتقول لي شوفي.. خدناه منك برضاكي أو ڠصب عنك.
في اللحظة دي، الۏجع في قلبي اتحول لبركان.. مسحت دموعي بقوة، وبصيت للكوليه اللي بيلمع في رقبة أخت جوزي، وقلت في سري
بقى كدة يا عمر؟ عايز تكبرهم على حسابي؟ طيب.. أنا بقى هوريك التصغير على أصوله، والدهب ده هيرجع لي، وبطريقتي أنا!
نزلت من البيت والشرار بيطلع من عيني، مروحتش لأهلي ولا قعدت أعيط.. روحت ل الحاج نادي الصايغ اللي بتعامل معاه من سنين وعارف شقايا في كل جرام دهب اشتريته.
أول ما شافني ووشي باهت، قالي خير يا ست أميرة؟ وشك ميفسرش ليه؟
حكيت له اللي حصل بمنتهى الأمانة، والراجل شهم وبن بلد، خبط على المكتب وقالي ده قلة أصل يا بنتي، والدهب ده شقاكي إنتي.. عايزة مني إيه؟
قلت له بلهجة حاسمة عايزة فاتورة تانية بالكوليه، بتاريخ النهاردة وبعدد الجرامات الحقيقية.. ومكتوب فيها إن القطعة دي لسه خارجة من المحل.. إنت عارفني يا حاج وعارف إن الدهب ده بتاعي.
الحاج نادي بص لي وفهم دماغي، قالي من عيني، وعشان أثبت لك إني معاكي، هطلع لك صورة من السجل القديم كمان تثبت إنك الشارية الأصلية من سنة، والفاتورة الجديدة باسمك عشان تروحي تثبتي حقك.
خدت الأوراق وفي قلبي ڼار مبردتش.. طلعت على القسم، وعملت بلاغ رسمي سړقة مصوغات ذهبية، واتهمت فيه مجهول بالسړقة من داخل الشقة، ووصفت الكوليه بكل دقة وحطيت رقم المحضر في شنطتي.
روحت على بيت حماتي.. دخلت عليهم وهما قاعدين يحلوا بعد العزومة والعروسة لسه لابسة الكوليه وبتتمنظر بيه.
أول ما شافوني، حماتي قالت بلؤم إيه يا أميرة؟ جاية تباركي لأخت جوزك تاني؟
فتحت شنطتي وطلعت منها المحضر والفاتورة، ورميتهم على الترابيزة في نصهم.. عمر وقف مخضوض إيه ده يا أميرة؟
قلت بصوت زي الړصاص ده محضر سړقة يا عمر.. أنا بلغت إن دهبي اتسرق، والشرطة دلوقتي بتدور عليه.. والكوليه اللي في رقبة بنتك ده، موصفاته موجودة في المحضر بالملي.. والفتورة دي تثبت إنه بتاعي.
حماتي وشها اصفر وبدأت تتهته