رواية رحمة كاملة RAHMA NABIL

ياقليل الأصل
ثم عادت مليكه للتأثر وهي تكمل
صړخت مليكه بآخر كلمة فعاد حمزه للخلف وهو يرفع حاجبه ويظن انها جنت تماما
فاكملت هي إذ فجأه يظهر السر الإلهي وتفتح عينك وتقولي.......
قاطعها حمزه وهو يتحدث بسخريه
نظرت له مليكه بتحذير اسكت يا حمزه وسيبني اكمل مش كفايه جيت لقيتك لافف دراعك بشاش وحطمت القصه اللي رسمتها وانا جايه في العربيه
حمزه وهو يكرمش ملامحه بتعجب وينظر للجبيره في يده بشاش
اكملت مليكه وهي تتجاهل سخريته تقوم انت فاتح عينك كده براحه وتقول بهمس عاشق متيم ومهووس وهائم ومحب و....
حمزه بمقاطعه حيلك حيلك يا ستي ايه كل ده
مليكه وهي ترفع اصبعها اخر مره هقول سيبني اكمل يا حمزه المره
الجايه هحقق حلمي وادخلك العمليات ماشي
هز حمزه رأسه وهو يبتلع ريقه
فزفرت هي بضيق وهي تكمل كنا فين آه تروح انت بقي بهمسه عاشق متيم مهووس وهائم ومحب و وواقع لشوشته
كانت تتحدث وتعيد الكلام بعناد وهي تعد علي يدها كل الصفات لمجرد العناد معه وتكمل تقولي بصوت فاض عشقا لملاكك الحبيب الذي كدت تفقده للابد
حمزه بسخريه في نفسه يا عنيا
مليكه وهي تكمل تقولي مليكه حبيبتي ياااااه يا مليكه وحشتيني اوي اوي حاسس اني مشوفتكيش من سنين
حمزه ولم يستطع ان يمسك لسانه ومجبتش سبح ومسك معايا مهو انا كنت في الحج بقي هو ايه اللي وحشتيني دول هما كام ساعه عمي اللي غبتهم
ضړبته مليكه تصدق انك شخص منعدم الاحساس يعني انا بشاركك أحلامي
ضحك حمزه بشده عليها وهو يدفعها بقرف غوري يابت ايه جو المسلسلات ده ده بدل ما تحمدي ربك اني كويس جايه زعلانه ان أحلامك الأوفر متحققتش
نهضت مليكه وهي تنزل نقابها وتعدل ثيابها أنت الخسران أساسا وعلي فكره ده شغل روايات مش مسلسلات يا عديم الرومانسيه انت مبتشوفش البطل ده في الروايه بيبقي حاجه ايه يااااه جمال هيبه وطول بعرض
حمزه بحاجب مرفوع طول بعرض هي أم سعاد خرطت عليكي
مليكه وهي تكمل بهيام والا اما يشوف البطله راجل بيقرب منها يروح ضربها قلم ويمسك رأسها يضربها في الحيطه كده لحد ما يجلها ارتجاج في المخ بعدين يروح عطيها اللي هي ويقولها وهو بيبص ليها بعشق انتي ليا انا وبس انتي فاهمه ليا
ثم نظرت لحمزه بملل وسخريه بزمتك انت عمرك ضړبتني في الحيطه ها عمرك
حمزه وهو يجاريها هو لسه بس انا ضربتك بالقلم وعندي استعداد اكمل المشهد معاكي هنا انا رأيي نبدأ ب تعالي بقي
ابتعدت عنه مليكه بتذمر بعد ايه بقي ده انت حتي يا جدع عمرك ما انتقمت مني وحبستني في محزن عشان مش عايز تضعف وتحبني
حمزه وهو ينظر لها بتعجب اعذبك ايه يابنتي جو العبيد وكفار بني قريضه دول ده ناقص احط صخره كبيره عليكي وانتي ټصرخي احد احد
نظرت له مليكه وهي تبتعد اتريق اتريق اصلك أساسا متعرفش الرومانسيه
حمزه وهو يتحدث بها بصوت مرتفع مصډوم رومانسيه مين يابنتي اللي انتي بتقوليه ده مصارعه حره مش رومانسيه أبدا يخربيتك تعالي هنا يابت روايات ايه اللي فيها القرف ده خدي هنا
ركضت مليكه بعيدا عنه وانت مالك بقي روايات ايه مش انت أساسا راجل معندكش ذرة رومانسيه يا جاحد يابو قلب حجر
حمزه وهو يضرب كف علي كف بقي انا اللي كل حاجه ابتسم واطبطب عليكي لما هكسر ضلوعك دي ودايما امسح دموعك وأفضل اقرألك قرآن لحد ما تهدي واتكلم معاكي بحنان وحب وفي الاخر انا مش رومانسي عشان مش بطفي سجايري تحت باطك ولا برمي مايه ڼار علي وشك ايه هما غيروا كتالوج الرومانسيه أمتي أصل أنا الصراحه قديم مش متابع رومانسيه من ايام رومانسيه محمد وعائشه
وتحدثت بهمس وهي تنظر له ربنا يديمك ليا يا حمزه يارب يديمك سند وأب واخ وصديق وابن وزوج وكل حاجه ربنا يديم ليا حنانك وحبك وقلبك الأبيض ده قلبك اللي يقدر يسامح بكل سهوله مش ضعف لا دي قوه قوتك في طيبتك وحنيتك قلبك اللي قدر يتجاهل كل الماضي الخاص بيا بقرفه ومشاكله وعكس المتوقع بدل ما تسيبني وتسمعني كلام يموتني طمنتني انك عمرك ما هتسيبني ولما خرجت بدون نقاب وجيت اتعصبت عليا واول ما شوفت خۏفي اتبدل لندم وحنان وشدتني تعتذر رغم اني انا اللي غلطت ويوم الفيديو اللي كان مع اميره رغم كل عصبيتك مقدرتش تستحمل دموعي وقعدت تراضيني وكأنك انت اللي غلطت حتي يوم اللي حصل مع ملك وخۏفك اللي عيشته لدرجه انك بكيت وفي الاخر جيت لقيتني في اوضتك الا انك كان عندك كل الحق في القلم اللي ضړبته ليا وصدقني انا لو مكانك وعشيت خۏفك
ده انا كنت موتني بس انا وقتها مكنتش بفكر أبدا يا حمزه
شددت مليكه علي يده طول الوقت كنت انت الدفي وانت السند وانت الحنان حبك ده ملوش مثيل يا حمزه حبك ده بيكون مره واحده في العمر حمزه انت حنانك وحبك يتدرس في كتب والله من اللي بشوفه واسمعه يعني القصص اللي كنت بكلمك عليها من شويه دي موضوع الضړب والاھانة والټعذيب وغيره عارف الموضوع بقي منتشر بشكل كبير في الروايات دي ومش كده وبس دي ممكن توصل ان البطل ي
يحبها ميعرفوش ان الحب قبل ما يكون مشاعر فهو حنان وأمان وسند وقلب ېضمك وقت خۏفك وايد تمسح دموعك وقت حزن ووش يضحك ويشاركك ضحكتك وقت فرح للأسف هما ميعرفوش ده كله لان معندهمش حمزه ولا حب زي حب حمزه ولا قلب صافي وابيض زي قلب حمزه ولا حنان زي حمزه
ابتسم لها حمزه وهذه المره امسك هو يدها وتقدير لهذه الزوجه التي رزقه الله وهما لو عندهم مليكه ولا براءه مليكه ولا ضحكه مليكه ولا مشاغبه مليكه ولا جمال مليكه ولا طيبه مليكه ولا حنيه مليكه كانوا هيعذبوهم أشك في كده
ياقلبي
تعرفي يا مليكه مشكلة معظم الشباب اللي بيدور علي حب انه دايما بيدور علي قصه حب اسطوريه يحكي الكل فيها بيدوروا علي حب روميو وجوليت او عنتره وعبله او قيس وليله بس هما نسيوا ان فيه قصه حب اكبر واعظم من كل ده وان لما ندور ندور علي حب محمد وعائشه الرسول يا مليكه كان من أكثر رجال الأرض رومانسيه وحبا للسيده عائشه صلي الله عليه وسلم كان قدوه في كل شئ حتي الرومانسيه والحب رغم كل اللي الرسول كان بيواجهه الا ان ده مكنش مانعه يحب السيده عائشه ويدللها تعرفي كان بينادي السيده عائشه ويدللها ويقولها يا عائش عشان كده اللي بجد عايز حب يدور عن حب محمد وعائشه عن حبهم اللي حتي الان لم يذكر التاريخ له مثيل
ادمعت عين مليكه تأثرا حمزه
ابتسم لها قلبه
مليكه ببسمه وهي تهمس له بحبك.
حمزه وانا بحبك وبعشقك
ابتسمت مليكه المصاپة واستمروا هكذا لدقائق حتي قاطعهم طرق الباب فابتعد حمزه وهو ينزل نقاب مليكه ويعدل حجابها الذي أظهر بعض خصل شعرها وهو يتحدث لحظه لو سمحت
بعدما انتهي ابتسم لها ثم اذن للطارق بالدخول فدخلت العائلة كلهم وخلفهم رامي وهو يضحك بص عطلتهم علي قد ما قدرت والله
ضحك حمزه وهو ينظر لوالدته التي تركض اليه وتضمه بحنان حبيبي حصلك حاجه عملت الحاډثه دي ازاي بس انت دايما بتسوق براحه
ابتسم حمزه وابعدها عنه وهو ينظر لوجهها بحب والله ياست الكل انا بخير هو بس كام چرح سطحي في وشي وايدي متجبسه وبس
ثم نظر للجميع الذين انهالوا عليه بالاسئله فتحدثت مليكه وهي تقطع حديثهم طب حمزه هرجع انا البيت اجيب لبس ليا وليك عشان ابات معاك انهارده
نورا برجاء لا انا اللي ابات معاه انهارده يا مليكه
مليكه ببسمه يا ماما يا حبيبتي مينفعش عشان ضهرك هتنامي فين بس
حمزه بحزم وانتي كمان يا مليكه مش هتابتي هنا الدكاتره والممرضين هيفصلوا داخلين خارجين وانت كل شويه تفضلي تنزلي النقاب احمد او رامي او اي واحد من الشباب هيباتوا هنا ومفيش بنت او ست هتفضل هنا
كادت مليكه تتحدث وتعترض فقاطعها حمزه بنظره تعلمها خلص النقاش يا مليكه
صمتت مليكه بحزن وهي تنظر له وانقضت الليلة واصبحت الساعه العاشره فغادر الجميع وبقي احمد بعد شجار مع الجميع بأن يجلس هو وعاد الباقون مع وعد بالعوده غدا
صعدت مليكه لسياره ادهم وعادت معه وهي تحمد ربها ان هذا اليوم انتهي علي خير وبدون حزن بينما ادهم كان يتمتم بضيق علي أم سعاد وابنتها اللتان لم تتركاه منذ خطت قدمه للمشفي ضحكت مليكه علي ملامحه بشده
ووصل الجميع للمنزل وعندما دخلوا ذهب كل واحد لغرفته بينما مليكه صعدت مع أسر لشقتهم ورغم بسمتهم الا ان الچرح الذي خلفته والدتهم التي وعدوا أنفسهم بعدم التفكير به مازال ېنزف وبشده اتفق أسر مع مليكه ان يجد لوالدته شقه قريبه منهم مع أعطائها مبلغ شهري فمهما فعلت ستظل والدتهم لم يتخطي اي منهم الأمر ومازال ما حدث صباحا يعاد أمامهم دخل أسر لغرفته بدون كلمه واحده واغمض عينه وسقطت دموعه پألم وچرح كبير في كبريائه ورجولته لقد اساءت والدته لهم جميعا وليس لنفسها فقط لم يشعر بنفسه سوي وهو يحمل الهاتف ويتحدث فسمع صوت ياسمين من الجهه الاخري ابعدي يا سعديه يا حبيبتي ابعدي عني بدل ما ابعدك من الدنيا كلها خليني اعرف اتنيل اتكلم
زفرت ياسمين بضيق ثم تحدثت الو يا أسر
ولكن لم تسمع رد فقط
شهقات هي كل ما تسمع تحدثت بفزع وخوف أسر انت بټعيط
ابتعدت ياسمين ودخلت لغرفتها وهي تتحدث بفزع شديد أسر بالله عليك رد ريحني
لم تسمع شئ سوي علو شهقاته اكثر وصوت بكائه
بكت ياسمين دون وعي ودون حتي معرفه ماذا يحدث فقط تبكي لبكائه تبكي لۏجع قلبها لأجله
تحدث أسر من بين شهقاته العالية كسرتني يا ياسمين كسرتني ودمرتني حرمتني امي حرمتني اني ارفع عيني في عين ابويا واقوله عايز امي حرمتني شعور اني يكون ليا امي كسرتني بالقوي طول عمري حاسس نفسي يتيم من غير ام او اب بس علي الاقل كنت بصبر نفسي واقول كفايه أنهم موجودين جانبي كنت بضحك علي نفسي بس دلوقتي خلاص
يا ياسمين كسروني وچرحوني وبقيت يتيم بالمعني الحرفي يا ياسمين كسروني يا ياسمين.
كان يبكي ويشكي لها وكأنه طفل يشكي لأمه ما يحدث وياسمين فقط تبكي بشده وهي لا تعلم ماذا تقول هي لا تفهم شئ سوي ان الامر متعلق بوالديه اخذت ياسمين تحاول تهدئته انها بجانبه ستكون والدته ان اراد ولكن فقط يتوقف عن البكاء
بينما أسر كان يستمع لها بدموع وألم