خاطفي ومنقذي بقلم إيمان شلبي

اسكريبت بقلمي إيمان شلبي
الحقووونييي أنا مخطۏفة!
كانت قاعده علي الارض في مكان ضلمة،مربوطة الأيدين والرجلين،في قماشة سوداء فوق عيونها،قلبها بيدق پخوف وأطرافها بترتجف
سكتت فجأة عن صرخاتها،انكمشت في نفسها زي الجنين اول لما سمعت صوت برّه همهمة خفيفة
وبعدها باب الأوضة بيتفتح.
قلبها وقع بين رجليها.
صوت جزمة كلاسيك بيخبط في الأرض بيقرب منها
.
منه بصوت مړعوپ
ااا انت مين؟
رد بنبرة حادة
عاملة دوشة ليه
منه بسخرية رغم خۏفها
لا عادي يعني مخطۏفة بس معلش لو ازعجتك.
رد برفعة حاجب
لا ودمك خفيف كمان
منه وهي بتحاول تاخد نفسها
انتوا خاطفني ليه؟!
هو ببرود
رهينة.
منه بأستنكار
رهينة إيه؟! هو في حد يخطف حد يوم فرحه؟!
رد بغموض
ده أنا بنقذك على فكرة.
منه بعصبية
بتنقذني من إيه؟! هو أنا كنت اشتكيتلك؟!
رد بهدوء مستفز وغموض
صدقيني هتشكريني بعدين.
منه پغضب وهي بتتحرك وبتحاول تفك نفسها
أشكرك إيه وزفت إيه! أشكرك إنك خطفتني؟! وكمان يوم فرحي؟! و
قاطعها بنبرة حادة
وطي صوتك
اتكمشت پخوف وردت بنبرة مهزوزة
ط طب خاطفني ليه؟ أنا معملتش حاجة والله.
قرب منها،قعد علي رُكبه قدامها وسكت لحظة!
علي الرغم من وجود قماشه سودا فوق عيونها الا ان ملامحها جذابة!
اتوترت وحست بحرارة نفسه قريبه منها
لزقت في الحيطه وقلبها بيدق پخوف وهي بتهمس
انت مين وعايز مني ايه؟!
قال بنبرة خافته ممزوجة بخشونة
خطيبك المحامي العظيم رفع قضية على أخويا، واتهمه إنه بيصدر ادوية فاسدة وأخويا خد ١٥ سنة سجن ظلم،حاولت التفاوض معاه رفض،هددته برضو رفض
ابتسم بسخرية وهو بيضغط علي فكها بقسۏة
هددته بخطڤك مأخدش كلامي علي محمل الجد
منه بغيظ رغم ۏجعها من قبضته فوق فكها
آااه طب وتخطفني انا لييييه انا مالي
ما ټخطف أمه ،اخطڤ العقربه أخته تخطفه هو أنما تخطفني انا وتمرمطني معاك ليه هو انا لاقيه صحيتي في كيس شيبسي يا اخ و.....
مسك ايديها جامد، ومال عليها وقال جنب ودنها بصوت رخيم
انتِ مش خاېفة
بلعت ريقها بتوتر وشحوب وردت بشجاعة مزيفة
هخاف من مين؟!
قرب وشه من شعرها وغمض عيونة لحظة، وهمس بنبرة دافية ومتخدرة
مني
أنتِ عارفه انا ممكن اعمل فيكي ايه يا آنسة منة؟
اتجمدت وردت پخوف
انت عرفت اسمي ازاي؟
ابتسم بسخرية وهو بيهز رأسه بقله حيلة
انتِ هبلة ولا عاملة نفسك هبله؟؟
هزت راسها وردت بتلقائية
لا انا فعلاً هبلة
رد ببرود
خطيبك رفض يتنازل عن القضية وهو عارف إني خاطڤك
قرب منها اكتر وهمس بټهديد
وممكن اخلص عليكي
انتي متأكدة إنه بيحبك؟
صوتها اتهز وردت بشرود
معرفش ؟
رد بسخرية وهو بيشيل القماشة من فوق عيونها
متعرفيش ايه انا خاطڤك يوم خطوبتكم بفستانك وتسريحة شعرك
قطع جملته بأشمئزاز وهو بيبص لعيونها
يا ستار يارب!!
ردت بحماس
اكيد الخضة دي من جمالي
بأمانة شكلي حلو؟
الفستان والميك اب والتسريحه شكلهم حلو يعني
رمش بعيونه اكتر من مرة وهو بيرد بذهول
نعم!
مطت شفايفها بحيرة
اصل انا بعد ما حطيت الميك اب حسيت شكلي مش افضل حاجه،والتسريحة مش لايقه عليا
ابتسمت بسخريه وكملت
ما طبيعي يطلع شكلي وحش ما الاستاذ بخيل هو وأمه
موديني عند ام سماح اللي علي اول شارعنا بتعمل ميك اب من ايام 2012 لا وتطلع تقولك علي النت ايه مرحباً بكم في صالون أم سماح للميك اب السڤاح!
بصتله بعيونها اللي كان شكلها بشع من الميك اب وكملت بنبره أوشكت علي العياط
تخيل مأجرة فستان من عند ام فتحي
رد بسخرية ورفعه حاجب
والله مالها دي كمان؟؟
ام فتحي دي بقي عندها شقه مأجراها في عمارتنا في الدور الأول،اي حد عنده اي فستان قديم مش هيلبسه تاني تروح تاخده منه وتحط التاتش بتاعها بتعمله اعاده تدوير يعني بأمانه بتحول الفستان احلي تحويل تبقي عايز تاخده من أيديها علي الزباله علي طول أه والله زي ما بقولك كده انا بقي.......
خبط الحيطه جنب راسها وهو پيصرخ في وشها
بسسس اخرسي
شهقت پخوف وهي بترمش بعيونها
قام وقف وسحبها من أيديها وهو پيصرخ فيها بنفاذ صبر
انا خاطڤك ياروح ماما مش جايبك رحله تتسايري فيها معايا!
ردت بنبرة مبحوح
اتفضل.
اتفضل إيه؟
هزت أكتافها بلا مبالاة
خلص عليا
رد بأستغراب
مستعجلة ليه؟ مش يمكن يرجع عن قراره لما يعرف اني نفذت ټهديدي؟!
ضحكت بمرارة
مش هيحصل.
واثقة أوي كده ليه؟
عشان انا وهو مبنحبش بعض
سكت لحظة وهو بيبص جوا عيونها يحاول يستشف صدق كلامها فهزت رأسها بتأكييد
صدقني هو مبيحبنيش وانا كمان مش بحبه
ساب ايديها ورجع خطوه لورا وهو بيربع ايديه
طالما مش بتحبوا بعض بتتخطبوا ليه
لوت بوقها بسخريه وهي بتقعد علي الارض وبتسند ظهرها علي الحيطة
ڠصب
وهو!
هزت أكتافها بحيرة
اعتقد مڠصوب زي
رد بسخرية
وهو في راجل بيتغصب!
معرفش بس هو قالي كده
قالك ايه
قالي يوم التعارف انا بحب واحده تانيه ومكنتش حابب الخطوة دي بس الله يسامحه باباه وعمي هما اللي أجبرونا علشان مصلحتهم
مصلحة ايه؟!
مصلحة شغل ابوه راجل اعمال كبير كان هيدخل صفقه مع عمي بس شرط يجوزني لابنه اللي رافض فكره الجواز غير من البنت اللي بيحبها
طب عمك يوافق ليه نيابه عنك وعن اهلك!
اهلي الله يرحمهم عمي هو اللي مربيني
هز رأسه وسأل بفضول
طب أنتِ بنت ومجبورة توافقي
العريس وافق ليه في النهاية طالما هو بيحب واحده تانيه
هزت أكتافها بقلة حيله
اټهدد يا يوافق يتجوزني يا يتحرم من فلوس وعربيه وكل حاجة
نزل علي رُكبه وبص جوا عيونها وقال
بس أنتِ بتحبيه
ردت بشراسة وعيونها بتلمع بالدموع
لا
قرب وشه من وشها اكتر وهمس بخبث
بتحبيه باين جداً
بصت في كل مكان إلا عيونه وهي بتسأل بتوتر
انا هخرج من هنا أمتي
شدها من شعرها بعصبية
شغل الهبل ده ميعديش عليّا!
صړخت بعصبيه وجراءة
سيب شعري التسريحة هتبوظ
عندي فرح!
سابها فجأة ورد بذهول
عندك إيه؟!
ردت بتلقائية
فرحي
انتِ مختلة عقلياً صح؟!
بصت حوالين نفسها وهمست
تعالوا خدوني من هنا بس بس يا جن يا عاشق تعالي خدني!
تميم ببلاهة
انتِ بتعملي إيه؟!
هششش خليه يسمعني.
هو مين ده؟!
اللي هينقذني منك
بعدين بصت للسقف بحزن ودموع
يعني مش هتيجي تنقذني انت كمان أكيد مش بتحبني زيهم هو أنا من إمتى حد حبني؟
أخد نفس عميق وهو بيبصلها
لوهلة شفق علي حالها!
بنت جميلة،رقيقة،ضعيفة
الاصعب من ده كله منبوذة
وحيدة
ملهاش اي ذنب في كل اللي بيحصلها
اتأكد ازاي انك بتقولي الحقيقة؟!
هزت راسها بقله حيلة وتعب
معرفش معنديش دليل
رفعت عيونها في عيونه وقالت بأستسلام
اعمل اللي يريحك كده كده انا مش فارقه مع حد
من غير ما يحس فك الحبل من ايديها ورجليها وقال بجمود
امشي.
بصتله پصدمة
بجد؟
قام وقف وعطاها ظهره وقال بنبرة كلها ټهديد
هعد من 1 ل لو لفيت وشي لاقيتك مكانك اتحملي اللي يحصل!
قامت بأقصي سرعة،لملمت شتات نفسها وطلعت تجري رغم شعورها بالتعب والإرهاق الشديد
بعد مرور ساعة
كان قاعد ورا مكتبه القلم بين صوابعه بيخبطه على الخشب بتوهان،بيفتكر دموعها ونبرة صوتها وهي بتقول
هو انا من أمتي حد حبني
باب المكتب اتفتح فجأة واتبعه صوت بيقول بلهفة
انت قاعد هنا إزاي وعندك اجتماع؟
اتنفض تميم وبصله پغضب
كام مرة أقولك تخبط قبل ما تدخل يا بني آدم إنت؟
دخل وقعد قدامه وحط رجل فوق التانية
وانا من امتى كنت بسمع الكلام يعني؟
تميم بجمود
احضر الاجتماع إنت بدالي.
ضم خالد حواجبه بأستغراب
مالك يا تميم؟ في إيه؟
تميم وهو بيزفر بضيق
مفيش.
بصله خالد بشك
يعني إيه مفيش؟
مالك ياتميم انطق
تسكت لحظه بعدها قال بجمود
خليتها تمشي
اتعدل خالد في قعدته
هي مين دي؟
البتخطيبة المحامي اللي خطفناها في فرحها.
اتنفض خالد من مكانه پصدمة
نعم؟! انت