خاطفي ومنقذي بقلم إيمان شلبي

بخيل ولا ايه؟!
ابتسم وقرب منها وراح قعد جنبها وهو بيسحب حته بيتزا
لا كلي براحتك
كملت اكل بنهم وهو بيراقبها،لكن الغريبه أن الموضوع زاد!
كانت بتاكل كل حاجه واي حاجه قدامها
حلو وحادق وعصير وشاي وقهوة!
وقتها استنتج انها متضايقه،متغاظة،ومستاءة من كل اللي حصلها
شد منها العصير وقال بهدوء
كفاية
رفعت عيونها اللي بتلمع بالدموع في عيونه وسكتت
مسح دموعها برقه وهو بيبتسم
كفاية تطلعي غيظك في الأكل هتتعبي،ممكن ټعيطي هترتاحي اكتر
كانت دعوه مباشره منه لأنهيار ثباتها وتمسكها بالشجاعه والمرح اللي مكانوش لايقيين علي اي موقف من اللي اتعرضتلهم!
بعد مرور ربع ساعه بالتقريب وقفت عياط
اخدت نفس عميق ومسحت دموعها
قرب وشه من وشها وهو بيبص جوا عيونها
ارتاحتي
هزت راسها وهي بتبعد رأسها بتوتر
اه
رد بمرح
اتمني يكون الترنج بتاعي عاجبك
ابتسمت برقه ومردتش فرفع حاجبه وقال بجدية مصطنعة
ايه عجبك؟
بصت حواليها بأحراج وخجل
انا اسفه كركبتلك البيت
رد بأبتسامة دافية
ولا يهمك براحتك
الفون بتاعه أتهز برقم يونس
قام بعد عنها ورد بهدوء
الو
شوفت المفاجأة
ابتسم ابتسامه جانبيه
شوفتها
يونس بجديه
منة أمانة في رقبتك
لحد امتي؟؟
رد يونس وهو بيبص قدامه بشړ
لحد ما حسين يقع تحت ايدي
متقلقش محدش هيقدر يقربلها
رد بهدوء وابتسامه صافيه
عارف علشان كده جبتها لحد عندك يالا سلام
سلام يا يونس
لف لاقاها سانده راسها علي الكنبه ومغمضه عيونها
من الواضح انها راحت في النوم!
راح ناحيتها وبدأ يشيل الأكل ويروق الكركبه من حواليها
بعدها جاب غطا وعدلها وحط مخده تحت راسها
تاني يوم فتحت عيونها،واتقلبت علي اساس في سريرها وقعت علي الارض
اتوجعت بصوت عالي وهي بتحط ايديها علي ظهرها تزامناً مع دخول تميم من باب الشقه
رفعت عيونها بفزع وهمست وهي بتحاول تقوم
ياكسفتك السودا اللي انت فيها يا حازم
طلع يجري عليها بلهفه وقلق
ايه ده أنتِ ايه اللي وقعك كده
ردت بكذب وهي بتدور تحت الكنبة بتوتر
في حاجه ضايعه مني
ايه اللي ضايع منك
هه آا الحلق بتاعي
رفع حاجبه ورد بسخرية
بس انتِ مكنتيش جايه بحلق
قامت وقفت فجأه فخبطت في دقنه وعلي اثر الخبطه رجع خطوه لورا!
حطت ايديها فوق بوقها پخوف
انا اسفه بجد انا اسفه والله ما قصدي و.....
شاورلها بهدوء
اهدي محصلش حاجة
رجعت شعرها ورا ودنها وبصت حواليها وهي بتسأله بأرتباك
ه هو انا هفضل هنا لحد أمتي
هز أكتافه بحيره
معرفش بس أنتِ امانه عندي لحد ما حسين يتمسك هو ورجالته
هزت راسها بأبتسامه باهته والدموع بتلمع في عيونها وقالت
بس انا مش هينفع افضل معاك في مكان واحد
انا لازم اشوف مكان اعيش فيه
لوحدك!
ايوه وجودي هنا معاك في نفس المكان غلط
قرب منها خطوه ووقف قدامها وهمس بعبث
ليه
فركت ايديها في بعض وبعدت وهي بترد ووشها احمر
علشان علشان يعني...
قرب منها خطوه تانيه وبص جوا عيونها وهمس بتوهان
نتجوز
تنحت وفتحت بوقها
هه
اخد نفس عميق وحاول يستعيد ثباته
خلينا نتجوز
ردت ببلاهة
مين اللي يتجوز
ابتسم ابتسامه جانبيه وقال بهدوء
احنا
نزل رأسه وهمس جنب ودنها بنبرة دافيه
انا وأنتِ
ا آا..
خلينا نتجوز رسمي وتبقي معايا اقدر احميكي وابقي جنبك لو حد اتعرضلك علي الاقل لحد ما حسين يتمسك وبعدها....
سكت لحظه وغمض عيونه وهمس
بعدها ليكي حريه الاختيار
تفضلي أو تمشي!
سكتت شويه وبصتله بحيرة وتفكير
وبعد طول الصمت ما بينهم
وبعد التفكير الطويل والتردد
وافقت
مكانش قدامها حل تاني إلا الموافقه
خۏفها من أهلها وحسين بعد ما عرفت حقيقته
وخۏفها من فقدان حياتها كان سبب اساسي انها تختار البقاء مع شخص متعرفش عنه غير اسمه بالتقريب لكن حست معاه بالأمان والدفا اكتر من اقرب الناس ليها!!!
ها موافقه؟؟
خرجت من شرودها علي سؤاله فرفعت عيونها وردت بتردد
موافقة بس بس.....
تضمني منين اني هسيبك تمشي لو حبيتي؟!
بصتله بذهول وهي بتسأل نفسها
هو ازاي فاهمها كده
ازاي قادر يحتويها ويطمنها ويفهم حتي خۏفها وكأنه يعرفها من سنين!!
علي العموم يا منه هو مفيش اي ضمان بس لو تفكري فيها بالعقل،مفيش شخص ممكن يعرض حياته للخطړ إلا لو.....
سكت وعلق كلامه في الهواء وقتها قلبها دق واتوترت لدرجه حست الهوا انسحب من الجو....
ا أحم ا أنا جعانه مفطرتش ت تحب تفطر معايا؟!
هز رأسه وهو بيحط ايديه في جيوبه وبيبتسم ابتسامة بسيطة
اعملي حسابك بليل هنكتب الكتاب
في المساء
اتقالت جملة المأذون المشهورة بأتمام الزواج تزامناً مع رنه تلفون من يونس تجاهلها تميم لكن مع إلحاح يونس الشديد رد بضيق
الو
يونس وهو بينهج
تميم وقف كل حاجة خلاص حسين اتقبض عليه
تميم پصدمه
ايه أمتي وازاي؟؟
رد بأستعجال
هحكيلك كل حاجة بعدين،تميم خلي البنت ترجع بيتها في سلام كفايه عليها كده هي اتمرمطت كتير
رد بشرود وحزن
حاضر
تميم انت حبيتها؟؟
رد بسخرية مصطنعة
ليه شايفني مراهق عشان احب واحده معرفهاش الا من يومين؟ انا كنت بعمل واجبي وبساعدها بس و
قاطعه يونس بغيظ
نفسي مره في حياتك تعترف بمشاعرك يابني مش عيب تقول انك حبيتها ومش عيب تقول انك بتحب اخوك العيب انك تضيع الفرصة اللي قدامك و...
تميم بسرعه ولهفة
انا عمري ما كرهتك يا يونس انا كنت غبي واناني وفاكر أن البني آدم ممكن يملك كل حاجه ويحقق اي حاجه بالفلوس بس كنت غلطان،اكتشفت أن اختيارات ربنا افضل بكتير من احلامنا الوهميه،انا اسف انا بحبك ياخويا
اتنهد يونس وهو بيبتسم براحة
اخيراً علي العموم انا كمان ياخويا بحبك واتطمن كمان كام يوم أسر اخوك هيبقي وسطنا هيخرج منها أن شاء الله
يونس
نعم
انا كتبت الكتاب
يونس بخضة
بتهزر!
خاېف اقولها
حبيتها؟!
معرفش بس كل اللي اعرفه اني مش عايزها تبعد
وانا مش عايزة ابعد
لف بفزع كانت واقفه وراه عيونها بتلمع بالدموع فأتوتر وقفل مع يونس
قربت خطوه وهي بتهمس پخوف
انا سمعت كل حاجة
ومش عايزه ابعد ياتميم
انا مليش مكان اروحله
يمكن كل ده حصل علشان اقابلك
وتعوضني
انا شوفتك في عينيك الامان والدفا والحنان اللي افتقدته حتي وانت خاطفني مكنتش خاېفه منك كنت خاطفي ومنقذي!
ارتعشت وهي بتبصله برجاء
متسبنيش ارجع تاني لحياتي القديمه انا بكرهها وبكره كل الناس اللي فيها
شدها لحضنه،ضمھا جامد لدرجة كان عايز يخبيها بين ضلوعه،سند رأسه فوق راسها وهمس بنبرة بثت الأمان جواها
مش هسيبك
جه خالد من وراهم وقال بمرح
شاهد قبل الحذف رجل الأعمال المشهور تميم الصاوي يحتضن فتاه،هذا ما لم نسمع به من قبل،عجائب الدنيا كانوا سبعه باللي حصل ده بقت تمانيه !!! ولولولولولولي
تميم بغيظ
فصيل
الباب خبط راح فتح خالد كان يونس
تميم بلهفه
يونس
قرب منه بخطوات رزينه وابتسامه بسيطه
مبروك ياعريس
حضنوا بعض ومنه واقفه تبصلهم بأبتسامه صافيه
يونس وهو بيبصلها
مبروك يا عروسه
منه بخجل
الله يبارك فيك وشكراً علي كل حاجة
رد بخبث
انا اللي حابب اشكرك الحقيقه
علي ايه
سبقه خالد وقال
انك خليتي ابو الهول ينطق دي معجزة!
رد تميم بتذمر
انتوا جاييبني هنا تهزقوني ولا ايه؟؟
يونس وهو بيسحب خالد من قفاه
لا ياعم انا جاي اخد الواد الفصيل هادم اللذات ده من هنا وامشي
تميم وهو بيحدف لخالد بوسه علي الهوا
طريق السلامه انت ياحبيبي
كانت منه واقفه بتضحك بصوت عالي،فضلت تضحك لحد ما خرجوا اما عنه كان واقف سرحان في ضحكتها وعيونها
تعرفي أن ضحكتك حلوه اوي
وقفت ضحك بأحراج ووشها احمر وهي بتبص حواليها
ا احم ا انا......
قرب ووقف قدامها ومسك ايديها وباسها برقه
انتِ جميلة
ابتسمت برقه وهي بتخلي ايديه تحاوط وشها
وانت حنين
يجوز الصدفة تجمعنا.. بناس بتحب تسمعنا
ف يداوا الحزن ف عنينا.. اكيد الجاي خير لينا
خاطفي_ومنقذي
إيمان_شلبي