خاطفي ومنقذي بقلم إيمان شلبي

اټجننت؟! يعني إيه سيبتها تمشي وليه؟!
بص قدامه ورد بشرود
عشان ملهاش ذنب.
خالد بعصبية
وأخوك اللي أخد ١٥ سنة ظلم كان ليه ذنب؟!
وسكت ثانية وبصله بنظرة خبث
تكونش البت عجبتك؟
خبط تميم بإيده على المكتب وقال بعصبية
خالد الزم حدودك.
رفع خالد إيده باستسلام
خلاص خلاص بس إنت غلطان. دي كانت آخر ورقة في إيدنا عشان نطلع أخوك.
تميم بصله ببرود
ملهاش لازمة
يعني ايه
يعني البنت غلبانه وخطفنا ليها مش هيفيدنا بأي حاجة كده كده مش بيحبوا بعض
خالد فضل ساكت شوية
يعني كده خلاص؟ مفيش حل؟
بص تميم للسقف
أكيد في ولازم نلاقيه.
خالد بص في ساعته بأستعجال
طب أنا هروح الاجتماع
بعد خرج خالد سند تميم ضهره على الكرسي وغمض عينيه وهو بيتنهد بأرهاق
كانت منه ماشية في الشارع بفستان الفرح حافية شعرها مفكوك ومتنعكش
الناس بتبص عليها بعضهم بيضحك ، بعضهم مستغرب والبعض شفقان علي حالها!
كانت ماشيه ماسكه جزمتها في ايديها وبتندب حظها
حسبي الله ونعم الوكيل فيكي يا مرات عمي انتِ أشوفك متسلخة،وانت يا عمي اللي جبتلنا الحرباية دي منك لله!
يا آنسة يا آنسة!
لفت بحدة
نعم؟ عايز إيه انت كمان عايز تخطفني
الشاب اتفاجئ وقال
أخطفك إيه بس! هو ده منظر يتخطف؟
شهقت وحطت إيديها في وسطها
نعم؟! ليه بقى إن شاء الله؟ مش عاجباك؟
ضړب كف فوق التاني وهو بيهمس
لا حول ولا قوه الا بالله شكلك هوبا علي الآخر
رجع ابتسم ابتسامه سمجة وقالها
اتفضلي معايا
رجعت خطوة وهي بترفع حاجبها
اتفضل معاك ليه وانا اعرفك عشان اتفضل معاك؟!
في حد عايز يقابلك
ربعت ايديها بغرور مصطنع
اللي عايز يقابلني يجيلي هو
الشاب بسخرية
وإنتي عايزة يونس بيه الصاوي يجي لحد عندك؟
برقت عينيها وهي بترمش اكتر من مره
قولت مين؟!
يونس الصاوي.
وشها اصفر وبدأت تتنفض تلقائياً وهي بترد بكلام متقطع ومهزوز
هو هو ا انت قصدك يونس الصاوي ا اللي اللي
هز رأسه وهو علي وشه نفس الأبتسامة السمجة
هو اللي في بالك اكبر زعيم ماڤيا في مصر
هو.
لطمت على خدها وهي بترد بنبرة أوشكت علي البكاء احييييه أشهد أن لا إله إلا الله وأن سيدنا محمد رسول الله
الشاب بزهق
هتيجي بالذوق ولا بالعافية؟
ردت پخوف حقيقي
هو عايز مني إيه طيب؟ والله أنا مليش ذنب في أي حاجه،اكيد اكيد خطيبي رفع عليه قضيه هو كمان بص بص روح قوله أنا مش خطيبته اه والله انا اصلا مش بطيقه ولا هو بيطيقني بص أنا أصلا كنت مخطوفه اه وربنا زي ما بقولك كدهو اصل هو كان رافع قضيه علي اخو واحد تاني و....!
وفجأة في وسط كلامها صوت رجولي خشن وهادي في نفس الوقت اقتحم المكان
إنت واقف كل ده بتعمل إيه هنا؟
الشاب لف بسرعة وتوتر
يونس باشا أنا هي مش راضية تيجي وعماله تتوهني وترغي في كلام مش مفهوم و.....
شاورله يسكت فبلع ريقه وسكت وهو شاحب شحوب الأموات!
زقه بهدوء مريب
وقرب من منه اللي كانت واقفه تبصله بړعب بخطوات رزينة،تقيلة وموزونة
وقف قدامها وبص لها بنظرة اخترقتها
اتكلم بنبرة هادية لكن تخوّف
انتِ بقى منه؟
بلعت منة ريقها ورجعت خطوه لورا پخوف
ي يعني على حسب لو مرفوع عليك قضيه من محسن خطيبي يبقي مش انا!
رفع حاجبه ورد بشبه ابتسامة
دمك خفيف.
ده من ذوق حضرتك والله مش عارفه اقولك ايه
بس ماشاء الله يعني اللهم بارك اول مره اشوف زعيم ماڤيا بس شيك وجنتل
بص للشاب اللي واقف جنبهم وقاله بحدة
سيبنا لوحدنا
الشاب اختفى في ثانية بعدها يونس رجع بصلها
انتِ ليه سيبتي المكان وممشيتيش على بيتكم على طول؟
مكان إيه؟
المكان اللي خرجتي منه.
اتسمرت وردت بذهول
انت انت عرفت منين؟!
ابتسم ابتسامة صغيرة
أنا بعرف كل حاجة.
سكتت لحظة وبعدين قالت بسرعة ولهفة
ا انا انا هو كان خاطفني البني آدم براس بخاخة ده كان خاطفني عشان خطيبي اللي يتشك في معاميعه رفع قضيه علي اخوه ودخل السچن ظلم هو بقي ايه هو كان فاكر أنه لما يخطفني يعني كده حسين هيتنازل عن القضيه بس انا بقي ايه قولتله يا استاذ انا والله مليش دعوه بكل ده انا اصلا مغصوبه وخطڤك ليا ملهوش اي داعي،ولو حضرتك كمان عايز تخطفني فأرجوك تراجع عن قرارك انا مليش دعوه بكل ده انا......
قرب منها يونس فجأه وهو بيبص جوا عيونها
وأنا قولتلك إن ليكي دعوة!
رفعت عيونها في عيونه پذعر
اومال حضرتك عايز تخطفني ليه؟!
عايز أفهم حاجة واحدة تميم عمل معاكي إيه؟
مين تميم؟
اللي كان خاطڤك
ردت بسخرية
عمل إيه خطڤني، هددني، فكّني، وطردني باكدج كاملة.
يونس قرب أكتر
انتِ قولتيله إيه؟
ردت بصدق
ولا حاجة قولتله الحقيقة بس.
حقيقة إيه؟
اخدت نفس عميق وقالت
إني مليش ذنب وخطفه ليا ملهوش داعي
يونس فضل باصص لها ثواني بعدها وقف بشموخ و قال بهدوء
طب تعالي معايا.
رجعت لورا وهي بتسأل بړعب
لا لا لا
اهدي انا مش هأذيكي هوصلك بيتك
سكتت شويه وهي بتبصله بشك ورهبة
اما عنه نفخ بضيق وبص علي ساعته
خلصيني معنديش وقت
منه بتشنج وأستنكار
ياخويا انت ليه محسسني انك دكتور وعندك ولادة قيصرية ده انت زعيم ماڤيا!
فجأه قرب منها وحط مسډس فوق دماغها وهو بيهمس بنفاذ صبر
هتركبي العربيه بالذوق ولا تحبي اخطفك بس المرة ديه من غير رجعة!
ردت بلهفه وهي بتترعش
لا هركب والله هركب
بعد شويه كانت راكبه معاه في العربيه بتبص للطريق بصمت وشرود بعدها لفت بصتله وقالت
انت تعرف مين اللي كان خاطفني؟
رد بلا مبالاة وهو بيقلب في الايباد
أخويا
قلبها اتنفض وهزت رأسها بعدم استيعاب،اما عنه كمل وقال بهدوء مُريب
انا هسيبك تمشي بسلام من غير ولا خدش بس بشرط واحد
سكتت وهي بتبصله بأنتباه فقفل الأيباد وبصلها بأبتسامة عابثة
تقنعي حسين يخرج اخويا زي ما ډخله
يخرجه ازاي ما هو خلاص اتحكم عليه!
هز أكتافه بلا مبالاة
ميخصنيش
قرب وشه من وشها وبص جوا عيونها وهو بيهمس بټهديد ووعيد
لو فات اسبوع واخويا مخرجش هتبقي سواد علي الكل
وقبل ما تستوعب وقفت العربية قدام بيتها فرجع اتعدل في مكانه وقال بحِده
اتفضلي
نزلت بأقصي سرعه وهي مش مصدقة نفسها انها بخير!
في نفس الوقت
تميم واقف في الشباك في مكتبه، حاسس بضيق مش مفهوم
الموبايل رن رد من غير نفس
أيوه.
سيبت البنت ليه؟
رد بسخرية
انت عرفت؟
يونس بجمود
عيب تسألني سؤال زي ده،مردتش عليا سيبتها تمشي ليه يا تميم!
اتنهد تنهيده طويله
ملهاش ذنب
واخوك!
رد ببرود ممزوج بسخرية
هنلاقي طريقه نخرجه بدل خطڤ بنات الناس!
ابتسم يونس ابتسامه جانبيه وقال
على فكرة أنا وصلتها بيتها.
رد بلهفه وقلق
اوعي تكون اذيتها ؟!
رد بهدوء
اطمن معملتش حاجة.
تميم بأستغراب
من أمتي الحنية ديه
يونس بأبتسامة ساخرة
توء مش حنيه ده فضول
بمعني
حبيت اشوف البنت اللي حركت قلبك
تميم بضيق وهو بيضغط فوق كفه
ايه الكلام الفارغ ده؟؟
علي العموم انت خيبت املي فيك
لسه زي مانت قلبك هو اللي بيوجهك
تميم صوته علي ورد بعصبية
مش احسن من اللي معندهوش قلب؟؟
بلع يونس ريقه بمرارة و سكت لحظة وبعدين قال بهدوء مرعب
حياتنا مطلوب فيها إلغاء مشاعرنا
ياريت تلغي قلبك ومشاعرك ومتتعلقش بوهم
البنت ديه لو منفذتش اللي قولتلها عليه هتبقي في قائمه الأموات
وقتها تميم قلبه اتنفض وقبل ما يرد عليه قفل في وشه السكه!
علي جانب آخر كانت منه واقفة قدام باب البيت بفستان