لأجلها بقلم امل نصر

ولا قرف انا بقى اللي طالع عين امي من الصبح ولما اجي دلوك عشان اريح ولا اكلي لقمة تسد جوعي اكيد مهلاقيش ما هي المدام من الصبح نايمة .
جلس في الاخيرة بعد أن ارتدى الجلباب على المقعد الوحيد داخل الغرفة يصب غضبه في خلع الحذاء عن قدميه يلقيه على الارض پعنف وضجر
فتمتمت هي داخلها الاستغفار لتجبر نفسها على النهوض واعداد الغذاء له بدلا من الجدال الذي لا طائل منه بالإضافة ايضا أنها لا تملك القدرة على الحديث من الأساس.
ولكن وما ان حطت قدميها على الارض حتى اهتزت في وقفتها فكادت أن تقع لولا أن استندت بيدها الضعيفة على قائم السرير حتى اثارت هلع زوجها فنهض يضمها بين ذراعيه كي يعيدها إلى الفراش برفق مغمغما بندم وتساؤل
لا اله الا الله ايه الحكاية ايه اللي جومك مدام تعبانة جوي كدة
رمقته من جانب عينيها بغيظ وانتظرت حتى أراحها على التخت بحرص ثم انضم جوارها يضمها اليه بړعب يجتاحه فخرج صوتها رغم التعب بنبرة لائمة
النوم والتعب ڠصب عني يا منصور يا عني مش بتدلع ولا اتزفت راسي تقيلة ومش فيا حيل للخدمة ما صدقت البيت فضي بعد طلوعك على الشغل والعيال على بيت جدهم عشان انام بس خلاص انا حاسة نفسي رايقة هقوم اها....
لا استني رايحة فين مش عايز حاجة.
تفوه يضغط على كتفيها يمنعها من المحاولة وبشيء من الندم صار يراضيها
دي هي لقمة مش مستاهلة يعني اسخنها على البوتجاز ولا اكلها من الثلاجه المهم انتي اطمن عليكي مالك يا منى دي مش حالتك دي واصل هو ايه تاعبك بالظبط في جسمك عشان نشوف دكتور متخصص
تأوهت بين ذراعيه تصف له عما بها
دايخة على طول يا منصور مش عارفة ليه وجسمي همدان دايما
عادي نشوف دكتور الباطنة يمكن ضغط ولا أنيميا سبب الهبوط.
خمن بها على ضوء ما وصفت له لكن سرعان ما غير رأيه حين تابعت
كمان مفيش حاجة بتقعد في معدتي وكل الوكل معايا ماسخ طول الوقت عايز ارجع
تبسم رافعا حاجبه وكأنه وقع على اكتشاف مذهل
حلاوته لا احنا كدة نحول من باطنة لدكتورة النسا
حكم الاعراض دي معروفة اكيد.....
اياك تقولها....
صاحت بها مقاطعة له لتدفع ذراعيه عنها وقد غرق في نوبة من الضحك يستفزها لتردف پغضب
بطل ضحكك الماسخ ده يا منصور والتلميح اللي انا فاهماه عشان انت عارف زين جوي ان مركبة وسيلة يعني يستحيل يحصل اللي في بالك
وما يحصلش ليه اللي في بالي بعيد عن ربنا مثلا
لا مش بعيد عن ربنا بس انا واخدة احتياطاتي عشان تعبت ما عادش فيا حيل لا للخلفة ولا لمرار العيال.
قالتها بما يشبه الرجاء وكان الامر بيده فاهتز كتفيه يخبرها ببساطه
براحتك عايزة تصدقي ولا متصدقيش دا مش هيغير من الوافع لو فعلا حصل....
بسسس
قاطعته بها للمرة الثانية لتدفعه عائدا للضحك حتى اشفق وحاول التوقف حين راى البؤس الذي ارتسم جليا على ملامحها يهدهدها معبرا عن دهشته
وه وه اهدي كده انت هتبكي ولا ايه هو احنا لسه اتاكدنا اصلا وحتى لو حصل برضو ما يستدعيش البكا
لاه يستدعي ويستدعي قوي كمان عشان انا من الاساس عمالة أكدب نفسي رغم الشك اللي جوايا فتاجي إنت تاكدها في وشي!
تفوهت ببؤس وهو يكتم بصعوبه الأ يعود للضحك ثانية حتى لا يزيد عليها فيراضيها كڈبا
معلش يا حبيبتي ما تاخديش عليا انا إش فهمني اصلا في امور الحريم سيبك سيبك بكره نكشف ونطمن واكيد هيكون تخميني كدب.
والله انت اللي كداب يا منصور بتقول كدة على اساس تاخذني على قد عقلي انما جواك بتتمنى انا عارفاك عشقك في الخلفة الكثيرة.
لم يملك القدرة على النكران هذه المرة وقد زاد اتساع ابتسامته لأنه بالفعل يعشق انجاب الاطفال الكثير منها ولكن نزولا إلى رغبتها يضطر اسفا الى تقبل الواقع في رفضها وأخذ وسائل المنع لكن ان صح الأمر وإصاب تخمينه ما الذي يمنعه من الفرح لأراداة الله التي تغلب كل معوقات .
يارب يكون مجرد برد في المعدة وما يكون حمل ادعي معايا منصور
لكزته بخفة وراسها مازالت على صدره ليسمع منها ويردد بحماس
يارب يارب
ليكمل بتحريك الشفاه مستغلا أنها لا ترى وجهه
يارب حمل يارب توأم
...................
في أعلى منزل والديها امام برج الحمام العتيق كانت تدور على اعشاش الطيور في ذلك الوقت بعد أن القت إليهم بالحبوب أرضا ليتجمعوا في تناولها
وتهتم هي بتنظيفها من الفضلات
وابنتها ليلى التي فك أسرها اخيرا كما تصف بعد ان طمأنتتها الطبيبة لتسمح لها بالتنقل والخروج وبعض الحركة ولكن بحرص فكانت أول زيارة لها اليوم الى منزل والدتها الجديد بعد الزواج بدعوة من حمزة لها هي وزوجها معاذ لحضور مأدبة طعام الغداء .
كانت تضع الفرخ الصغير بحجرها تطعمه بفمها وتسقيه ايضا وفي نفس الوقت لا تكف عن الحديث مع والدتها
رئيس الشركة اللي شغال فيها معاذ اتصل بيه امبارح وقالوا مستنيك ترجع لشغلك معانا من تاني.
الټفت اليها بتساؤل
وقالوا ايه
تبسمت ليلى تجيبها
قبل طبعا بس اتفق معاه يستنى على ما يخلص حملي أن شاء الله والمدير وافق لاجل معزة عم حمزة عنده يعتبرها إجازة من غير مرتب
اومات مزيونة بشئ من الفخر
زين جوي ان علاقات عمك حمزة نفعت وجابت فايدة.
عمي حمزة كله فايدة يا امه مش بس علاقاته
تبسمت مزيونة باتساع ثم الټفت عنها تكمل ما تعمل به لتعقب على كلماتها
هو فعلا كله فوائد وزي العسل كمان بس خسارة جايمة عليه الجنونة اليومين دول وقالب عليا من غير سبب قال ايه بيتهمني ان سبب تأخير الخلفة مني
عشان مالياش رغبة هي الخلقة كانت بالرغبة!
سمعت منها ليلى بلهجة عاتبة ردت
مزيونة يا حرة انتي عارفة قصده زين جوي لأن لو فعلا عندك رغبة هتسعي وتحاولي عشان لو في سبب يتعالج من بدايتها عمي حمزة عايز يحس انك مشتاقة للخلفة منه يا امه.
في الأخيرة كانت قد ارتخت ذراعي مزيونة عن فعل أي شيء لتتوقف وتتنهد بثقل وهي ومازالت تعطي ظهرها لابنتها التي تشعر معاناتها كما تعلم جيدا عن حالتها القديمة والتي ربما مازالت تترك أثرا بها يسبب معوقات في الإنجاب وهذا ما يجعلها ترفض الغوص فيه حتى لا تعود إلى تلك الدائرة التي كانت تعاني فيها الأمرين رغم أن الوقت قد تغير والزوج ايضا قد تغير إلا أن اصعب عقدها القديمة لم تتمكن حتى الآن من تجاوزها.
امه هتفضلي كتير كدة مدياني ضهرك طب ردي ع الكلام اللي بقوله.
خاطبتها بمرح لتجبرها على الالتفاف نحوها تجيب بمراوغة
هأقولك ايه يا بت وانتي بتعملي زيه وبتجيبي اللوم عليا وبتمشي ورا كلام الجنان بتاعه دا احنا لسة مكاملناش غير كام شهر وانا اصلا مباخدتش وسيلة تمنع يعني لو ربنا رايد هيحصل في يوم وليلة اديكي انتي اها خدتي كل الحرص انتي وجوزك ومع ذلك برضك حصل وحبلتي...
ومين قالك ان حبلي مكانش فيه إهمال ولا هو جه عن طريق غلطة هبلة مني
قصدك ايه يا بت وضحي
سألتها مزيونة بتوجس لتتوقف هي لحظات
قبل ان تصارحها بما ظلت تكتمه لأشهر
انا عندي ظن أن هالة هي السبب
يعني ايه يا بت فسري
هدرت بها مزيونة بانفعال لتجبرها على التحدث دون مماطلة .
................................
هبطت صفا من شقتها في الطابق الثاني بناء على طلب ابنها الذي أخبرها بوجود سيدة غريبة داخل المنزل تطلب رؤيتها.
توقفت في منتصف طريقها إلى المدخل تتأمل تلك المرأة التي تعرفت عليها من خلال ملابسها المتباينة إلى حد ما رغم شيوعها تقريبا بين نساء البلدة وما يجاورها من قرى. ومع ذلك فإن الهوية المعروفة تتجلى في تلك اللمسات التي لا تصدر إلا من فئة واحدة!
إذن تلك المرأة من نساء الغجر بجمالها الفاتن تتقارب مع تلك المواصفات التي سمعت عنها سابقا... تسلل إلى قلبها شعور من التوجس هل من الممكن أن تكون هي! تلك التي تشغل بالها منذ أيام وتمنع عنها النوم لكثرة انشغال خاطرها بها.
تحفزت في داخلها فتقدمت حتى وصلت إليها مرحبة بها بارتياب وتساؤل يا أهلا ياااا... مين حضرتك
ابتسمت المرأة الجذابة التي كانت تقف مقابلها تتفحصها من أعلى إلى أسفل بجرأة ووقاحة لا تتناسب مع وضعها كضيفة غير مرحب بها لترد بعد لحظات زادت من استفزاز صفا بابتسامة ناعمة واثقة تفوح منها رائحة المكر
أنا نورا الغجرية يا ست صفا سمعتي عني
ووه ېخرب بيت أبوكي وجيالي برجليكي لحد عندي
كان هذا الرد الفوري من صفا التي انتابها شعور من الذهول امتزج بالدهشة ثم ڠضب اعتلى ملامحها تردف هادرة بها
انتي ايه اللي جايبك بيتي يا بت انتي فاكراني نايمة على وداني ولا مش عارفة بعمايلك ولفك على الرجالة المتجوزة عشان تخطفيهم من حريمهم.
شهقت نورة تدعي الإجفال تقول مشيرة بسبابتها على نفسها
انااااا دا مين اللي بلغك الكلام ده وافترى عليا لا يا ست صفا انا قاعدة في مكاني مأدبة وربنا العالم بحالي الرجالة اللي بيرمو بلاهم عليا ايه ذنبي بقى
يعني قصدك ان جوزي انا هو اللي رامي بلاه عليكي
سألتها بنبرة خطړة فردت
نورة ببساطة
لأ طبعا سي عرفان دا مفيش ارجل منه اتقدم لابويا رسمي وطلبني ابقى ضرتك في البيت الكبير ده ما شاء الله دي حاجة تشرح القلب
قالت الاخيرة وعيناها تدور في أرجاء المنزل مستمتعة بالذهول الذي لون ملامح صفا وقد امتقعت بشرتها بحمرة قانية وتدلى فكها بشدة حتى خرج صوتها اخيرا لتصرخ بها
يا حلاكي يا جمالك وانتي جاية بقى تعايني البيت اللي هتسكني فيه وضرتك الهبلة هتفرجك عليه دا انا اخد روحك قبل
ما يحصل
وكانت الأخيرة هي إشارة البدء لتهجم قاصدة القضاء عليها والعجيب كان تصرف نورا التي لم ټقاومها بل اكتفت بحماية وجهها بين ذراعيها وتركتها ټضرب وهي تصرخ بصوت عالي قادر أن يصل لآخر البلدة حتى تجمع سريعا الجيران ليفكوا الاشتباك ويخلصوها من بين يديها
تشهق نورا من البكاء المفتعل والحمقاء التي ابتلعت الطعم تواصل صړاخها ومقاومة البشر التي تحكم تقيدها
سيبوني عليها اقطع من چتتها نساير نساير الملعۏنة بت الغجر اللي ماليها اصل.
الله يسامحك بتغلطي فيا من غير ما امسك ولا اغلط فيكي اشهدوا يا ناس عايزة تخلص عليا من غير سبب اكمني غلبانة و مليش ضهر ولا عشان غجرية وشغلتي اللف على البيوت انا لو برقص أو بعمل الحړام كنت هحتاج ولا اللف من أساسه
ليه اللمة دي ايه اللي حاصل
قصف الصوت الجهوري يقتحم الجمع يلفت الأبصار اليه حتى وصل إليهم يردف حين تفاجأ بتلك المحتجزة بين سيدتين يسنداها حتى لا تقع بهيئة مزرية تثير الشفقة وهي لا تكف عن البكاء
نورة! ايه جايبك هنا وإيه اللي مشندلك كدة
لم ترد