لأجلها بقلم امل نصر

ولا كأني بكلم نفسي خبر إيه يا بت
انتبهت إليها أخيرا لتعقب على قولها
معلش يا أمه أنا بس مش مركزة ده غير إن صداع راسي شكله بدأ يعود من تاني.
شعرت والدتها بالشفقة عليها لتؤنب نفسها على ذلك الخطأ
اسم الله عليكي يا حبيبتي بكرة تروقي وتنسي ودراعك ده يلم كسره كمان كان مستخبي لنا فين المصاېب دي بس يا ربي لا أنا عارفة أحزن عليكي ولا على واد أختك اللي اترمى في السچن وهو لسه مخلصش الدبلوم حتى ولا أمه اللي شايلة الطين عليه يا بوي على المرار الطافح...
تذكرت هالة شقيقتها وما قد يدور برأسها الآن لتتوجه بالسؤال إلى والدتها عنها
صحيح هي هدى عاملة إيه دلوقت أنا كنت عايزة أشوفها يا أمه معقولة مابتزورش ولدها
التوى ثغر المرأة على جانب واحد وهي تلملم الطعام من أمامها تجيبها من تحت ضرسها
بتيجي وتزور ولدها وحتى امبارح جت معايا لكنها رافضة تدخل عندك بتقول إن أنتي السبب في اللي حصل لولدها أنا عارفة دي كمان جايبة الكلام ده منين
قالت الأخيرة بنظرة متهربة وكأنها تتجنب المواجهة معها رغم علمها بالحقيقة فصمتت هالة هي الأخرى لتعود إلى شرودها مرة أخرى. الجميع يعاملها بحذر الجميع يتجنب الصدام معها بالطبع نظرا لحالتها المأسوف لها إنما حين تخرج وتسترد عافيتها تعلم جيدا ما ينتظرها من لوم وتوبيخ قد يصل لحد التجريح وإلقاء اللعڼة عليها والسبب بالطبع هو حظها التعيس الذي لم يسعدها مرة بما تريده حتى حين حاولت إيقاف الچريمة قبل وقوعها لم تتمكن من ذلك.
...................
كفاكي بكا ونواح يا ليلى هو أنا كنت غلطت فيكي بس
هتفت مزيونة بحنق نحو ابنتها التي لم تكف عن البكاء حتى بعد انفرادهما معا داخل غرفتها فخرج الرد منها بانفعال
لا مغلطتيش يا أمة بس تبعتيه معاذ ما صدق لقى الفرصة عشان يهرب ويشم نفسه بعيد عني بعد ما خلاص اطمأن ونفذ شرطه معاكي في موضوع الشهادة
والكلية. يعني أنا أترزع لوحدي وأنا
على وش ولادة دلوقتي وهو يطلع ويسافر على كيفه بحجة الشغل عشان يجي بس يشيل العيل ولا وقت الولادة يحضر ويبقى عمل اللي عليه وخلاص كده.
كانت غاضبة بصورة فاجأت والدتها التي كانت تحاول تهدئتها وتغليب صوت العقل على عاطفتها الغاشمة.
ليلى اوزني كلامك وميبقاش عقلك صغير أنتي قبلتي بجوازك منه وانتي عارفة ظروفه مش جديدة عليكي الحياة مش دلع وبس لا فيها شقا كمان وأنتي جوزك شال معاكي كتير الفترة اللي فاتت وجه الوقت يشوف مستقبله وأنتي تشيلي لوحدك يبقى الواجب تبقي قد المسؤولية وإحنا مش هنسيبك يا بنتي خليه يلحق وظيفته قبل ما تروح منه ويجي بعدها يحط اللوم عليكي أو أنتي نفسك تحسي بالذنب ولو هو مبينش.
صمتت ليلى وقد بدا أنها تستوعب حديث والدتها لتظهر حالة من الاقتناع حتى دلف زوجها عائدا لغرفته معها والهم يعتلي تعابيره فانسحبت مزيونة لتذهب وتتركهما يصفيان الأجواء بينهما معا.
فاقترب معاذ من زوجته الجالسة على الفراش ثانية ركبتيها أسفلها وبظهرها مستندة على قائم التخت الخشبي
الجميل لسه برضه زعلان
مسحت بكفيها الدموع العالقة على وجنتيها لتنفي ردا له
لا مش زعلانة منك أنا بس مضايقة من الظرف نفسه إنك تبعد عني دلوقتي في عز ما أنا محتاجالك ولادة وجامعة دخلاها جديد.
تنهد يجذبها من رأسها إليه يريحها على صدره وذراعه تضم جسدها
خلاص ولا يهمك أنا من بكرة أنهي الموضوع ده من أوله شكلي ماليش فيها الشغلانة دي من أصلا.
لا يا معاذ متقولش كده حرام عليك أنا مش هرضى أبدا بقطع عيشك من الشغلانة اللي بتحبها.
قالتها ترفع رأسها إليه ليقابل عينيها وهو يعقب بحيرة
أمال عايزاني أعمل إيه بس يا ليلى كده مش عاجب وكده مش عاجب أتصرف إزاي بس وأنا مطلوب حضوري من بكرة في كل الأحوال بغيابي ده هترفد هترفد يبقى أمشيها بكرامتي أحسن وأقدم استقالتي.
وأنا بقولك لاه يا معاذ.
صاحت بها لتمرر كفها على بطنها تردف بضعف
إحنا معانا طرف تالت دلوقتي والطرف ده أكيد من مصلحته ينزل على الدنيا يلاقي أم وأب ناجحين ثم أنا كمان مش أنانية لدرجادي يعني
جاءت منها الأخيرة بابتسامة أراحت قلبه ليجذبها إليه يقبل ثغرها الذي تفوه بالكلمات قبلة طويلة تبعتها عدة قبلات ثم عاد يضمها إليه بقوة قائلا
وأنا عمري ما هقصر معاكي يا قلب معاذ هعمل المستحيل عشان ما أسيبكيش لوحدك وزي ما نجحنا في اللي فات ننجح في اللي جاي.
......................
ها إيه الأخبار
وكأنه كان في انتظارها تلقاها حمزة بسؤاله فور أن ظهرت أمامه تهبط الدرج ليتقدم نحوها ويسندها في السير كعادته منذ إصابة قدمها مردفا
مع إني بضايق من الطلوع والنزول ده اللي بيتعب رجليكي لكن الأمر لله هديت ليلى دلوقتي
طالعته بامتنان وهو يجلسها على الأريكة تجيبه
إن شاء الله تهدى هي بس تاخد وقتها ليلى اللي صايبها بس الخۏف من اللي جاي لكن إن شاء الله واحدة واحدة تفهم وتستوعب.
كان حمزة ما زال ممسكا بكفها فجاء رده على كلماتها بأن رفعها إليه يقبل ظهرها قائلا بعبث
يا روحي على العاقل اللي مريح قلبي دايما بحكمته ورزانته.
ضحكت تبعد كفها عن مرمى شفتيه وعيناها ذهبت تطالع الأنحاء حولهما هامسة بخجل
وه يا حمزة ما تعقل شوية إحنا مش لوحدينا في البيت.
رد يشاكسها
مع إنك عارفة جوزك ما بيهموش لكن حظك الحلو محدش في البيت أصلا غير جوز المجانين اللي فوق معاذ وليلى في شقتهم يعني
البيت فاضي عليا وعليكي.
قطبت بدهشة واستفسار
كلهم! حتى الحجة الكبيرة ليه بقى راحوا فين
تحدث بمكر يجيبها بالعد على أصابعه
أخواتي البنات بعيالهم روحوا على بيوتهم الواد ريان راح يلعب مع بنات عمه عند بيت جدهم اللي هو عمي يتبقى خليفة وأمي فدول سحبوا منى معاهم وراحوا زيارة لبيت اعتماد يعني الجو خلا علينا يا جميل.
فهمت مغزى حديثه لتعقب بقنوط
وإيه اللي جد يعني ما هم أربع حيطان هنا نفس الأربع حيطان في الأوضة كله واحد.
ضاقت عيناه بتفكير سريع ليعلق بفراسته
أنتي زهقتي من قعدة البيت وعايزة تطلعي طب ما تقوليها صريحة يا حرمة بدل التلميح.
لوت شدقها معاتبة
وهي محتاجة قول ولا أعيد يا حمزة أنا بقالي كام يوم ما شوفتش الشارع أصلا من ساعة رجلي والحمل.. أنا مش متعودة على الحبسة واخد بالك
ضحك ردا عليها
خلاص خدت بالي يا أم الغايب يمكن مكنتش منتبه الأيام اللي فاتت ومشغول لكن خلاص يا ستي أنا النهاردة هفضي لك نفسي إيه رأيك أروح بيكي على الدكتور الأول نطمن وبعدها ننزل على المحافظة نتفرج على الشوارع من العربية لحد ما نوصل لكافيه حلو أو مطعم نتعشى فيه.
بدا على ملامحها الرضا خلف اقتراحه لكن سرعان ما انتبهت تذكره
بس بشرط يا حمزة هدخل عند الدكتورة لوحدي يا إما لو حصل ودخلت إياك تكرر ضحك وهزار المرة اللي فاتت.
رد ببراءة والذهول يجتاحه من تحكمها اللذيذ على قلبه
وه وه يا أم الغايب بتحكمي وتتشرطي على جوزك كمان! على العموم نفوتها لك عشان الخروجة ثم كمان العيب مش عليا العيب على الدكتورة اللي بتضحك على أي كلمة أقولها وأنا مش قاصد أضحكها أصلا.
......................
داخل منزل اعتماد
وقد اختلت منى بشقيقات المذكورة في جهة بعيدة عن شقيقها وعروسه وقد جاء خصيصا بها ووالدته اليوم من أجل زيادة القرب بين العائلتين.
كانت تداعب الصغيرة ابنة روضة وضحكات الأخرى تصدح في قلب الغرفة
مابيزهقوش من اللعب عايزين حيل ليهم لوحدهم.. قطيعة تاخد البنات كلها.
علقت رغد التي كانت تضحك مع البقية
بعد الشړ يا خالة منى هو في أحلى من البنات دول سكر نبات.
اممم.
عبست منى تدعي الضيق
آه يا اختي سكر نبات لكن مضاريب ډم وهما صغيرين هو أنا كرهتهم من شوية ده أنا مش بس كرهتهم ده أنا مش طيقاهم.
كانت توجه الأخيرة نحو الصغيرة التي تمسكها بيديها فتقهقه لها الأخرى دون جهد لتعقب والدتها ساخرة
خليها تعيب يا رغد يا بنتي براحتها طول ما بتعمل كده يبقى شكلها حبلة في بنية أصلا مسكينة يا عيني حلاوة روح.
شوفي المرة!
قالتها منى ردا عليها لتردف بغيظ
وافرضي يعني حبلة في بت هرجعها تاني مثلا أهو بلاء ونتحمله وخلاص.. بس بلاء حلو حلو جوي.
قالت الأخيرة وصارت تدغدغ بأنفها في الجوف الفاصل بين رقبة الصغيرة وجسدها لتزداد ضحكاتها صخبا مع التعليق والمزاح من الباقين حتى روضة اندمجت في الحديث المرح معها.
أما في الجهة الأخرى
فكان الحديث بين خليفة واعتماد التي كانت تتبادل الأخذ والرد ولكن بتحفظ لا يغفل عنه وقد ثبت لديه أنها ما زالت متأثرة بلقاء روان فقال قاصدا فك جمودها
النهاردة قفلت معاكي في المكالمة وما طولتش عشان حسيتك مش مهتمة.
أنا مش مهتمة يا خليفة ليه بتقول كده
عشان ده اللي كان حاصل فعلا يا اعتماد متعودتش أنا كده معاكي دائما بحس باللهفة حتى وأنتي مكسوفة تاخدي وتدي معايا طب في حاجة مزعلاكي مني
لا والله.
سارعت بالنفي ثم أردفت بارتباك
الحكاية بس.. يعني أنا كنت مضايقة شوية لكن ده مالهوش دعوة بيك أو...
أو إيه كملي يا اعتماد متخبيش حاجة في قلبك ناحيتي.
قال يحثها على المواصلة لتتشجع وتخبره
بصراحة اللي
اسمها روان استفزتني النهاردة بتتعالى عليا وبتبص لي من تحت لفوق هي إيه صفتها أصلا عشان تشوف نفسها عليا ولا تلمح بكلام ېحرق الډم عن وظيفتي ولا خطوبتي ليك مالها الست دي بيا
حسنا لقد أراحته قليلا بإخراج ما في قلبها من ڠضب يسأل الله التوفيق الآن في إقناعها
بصي يا اعتماد عايزك تبقي واثقة من نفسك وحوار إن روان بصالك ولا مستقلاكي فده شيء ما يمسش من كرامتك ولا يزعلك بل العكس أنتي مش أقل منها ولا هي أعلى منك ولا حتى ليها أي صفة عندنا غير أنها والدة ابن أخويا. متشقلبة عاد ولا متعنطزة هي حرة وأنتي راسك مرفوعة تبص لك بعين تبصي لها بتنين تعلق عليكي بكلمة امسحي بكرامتها الأرض وأنا في ضهرك ومعاكي حتى لو على غلط برضه معاكي.
تبسمت برضا ولكن ما زال هناك شيء لا يريحها في نظرة تلك المرأة لن تنساه أبدا ولا تعرف طريقة للبوح به
ربنا يخليك ليا يا خليفة على العموم هو موقف وعدى أصلا هشوفها فين تاني يعني ولو حصل ابقى أديها على دماغها زي ما قولت ولا تغور وربنا يسهلها بقى.. مفيش أخبار عن هالة
عبس يرتشف من فنجان قهوته ثم يضعه مرة أخرى على الطاولة الزجاجية القريبة أمامه ليجيبها بعد ذلك
احتمال تطلع بكفالة خلال أيام ربنا يستر على دورها وتتلم بقى. المهم خلينا في نفسنا أنا عايز ألمها ونتجوز بقى ارضي يا اعتماد على ميعاد قريب شالله ربنا يرضى عليكي.
فاجأها